أنت أخر نفس بيه ..............بقلمي

[يحيى الحميداوي]

الليله أريدك ....
باجر من يكول عايش وأشتهيك
باجر من يكول بحلامي تمرني
ونكعد أنسولف ......
وأحضنك وأحتويك......
أنه خايف ......حيل خايف ....
روحي وكحه ....وخاف ياخذهه طمعهه ...
وبلحلم تسأل عليك
بلوى لو سألت عليك .....
حيرة لو سألت عليك ....
وهاي ناس تريد حجه....
وأنته صافي ....

ودغش ما بينت بيك..


مروتك الليلة تعال .....


وجيب نوم وياك أليه...


وخلي أغفه بين أديك


وخلي اسولفلك عليه


أني مدري أشبيه أني


أشكد أخافن من تجي وتكبل عليه



أشكد وكح .....من تغفه عيني ...


وياك أسولف ميه ميه


أزعل وأشكي وأعاتب .....


وأنته ساكت بين أديه


وأرضه لو رجفت أشفافك


والعسل نكط بديه ....


أدموعك أتكطر حدايق .....


وأنه صحره أتعيش بيه


أشلون بيه ....


لو أشمك بلحقيقه.....


ولو أضمك نفس ريه


والله ما ريد الهوى ولا أريد أشمه .......


أنت أخر نفس بيه




الشاعر


يحيى الحميداوي


17-1-2011