هذول احنا العراقيين من نرجع

[الكناري يونس الجبوري]

انا حين الغـــــزل ما آجـــــــي مقنّع
أجي شايل دمــــــي في راحـة ايديّه

ولا يهمني حكم فرعــون ومصرگع
اصب الها القوافـــــــي نـار جمريه

واذا عندك حبيبـــــه ذوق او مگدع
انا عندي حبيبــــــه وجــاغ حوريه

اذا احچي معاهــــــا عيونهـــا تدمع
من الجنة وصفهــــا وماهــي ناريّه

تحبني وما احبهــا حـــــب ومگلفع
انا كلي لهـــــــا راســـــــي ورجليّه

حدر عينه خـــــــدود مورده وتلمع
وحدر حنچه اضـوگ الموت يوميه

وحدر زيجه اشـــــم الجنه ما اروع
على جبال وســـــهول وظلــّه وفيَّه

ومرمر في ظــــلام الليل من يسطع
يشيب الراس اســــــكت يابو بدريه

والف مبروك فوز الاخضــر وهسع
وانا اكتــــــب يجينــــا الهدف يبنيه

هذول احنا عراقيــــــــين من نرجع
نجيب النصر محنا رجــــــال عاريّه

انا حين الغـــــزل ما آجـــــــي مقنّع
أجي شايل دمــــــي في راحـة ايديّه










الكناري
يونس الجبوري
15/1/2011