امرأه شامخة

[جله نار]

آنه عصفة ريح اجيت بكل غرور
وامسح خدود الدرب من الغبار
وادفع اوياي وأجر مره الغيوم
واشلع العاكَول وانكت بالاشجار
ويوم التفت يمنه ولني اشوف بعيد
جبل شامخ عليه مترصع حجار
اعتليت بعنفوان وكَلت امر بي
وخلطت البارد من المزن بالحار
واجيت لصخره باعلى القمه جلمود
بعزم وبزوم مثل السوره دوار
اصفكَتها ولني احس الجسم نصين
واحس الجدم جل وحيلي انهار
شزرني بطرف عينه الشامخ وكَال
لا رفله جفن لا صوبي اندار
تريد اتهز جبل يالطبع شماخ(مخبل)
اظل ذاك آنه لاعتى الريح كسار
سحرني بكبريائه ودنكَت راس
ورجعت اطركَـ الصخره شلون خطار
نظرتلي بشموخ وكَالت شبيك
تريد اتهز صخر سموه جله نار

الله لله ياعادل المنصوري
قلمي ينحي بكل خجل من روعه الكلمات

دمته بهذا الابداع وحفظك الله من كل سوء