for my bitter sweet

[عادل المنصوري]

حسبالي اعله بابي وجلدي فز كَفلع


انصلخ واتعنه الك من كَبل لا اطلع


رمل حبك تحرك وآنه جيت بنوكَـ


ركست لا اجرها ولا لي حيل ادفع


يبو ذات الچريمه مفلس وخسران


اجيت اوياك اتاجر وابد ما ارجع


يالطباعك اطباع اوجاغ لمظيف


من يچهبله ظيف الجمر بي يلسع


يالكَلبك مثل فانوص وكت الليل


عليه داير مداير كلنه نجمع


يا صوت الهلاهل من يطب الذان


يطربها وتركَص الكَلب بالمسمع


يالكَلبك مثل بير وتوسط چول


تتعنه القوافل دربك وتشرع


خل دلوك حبيبي يكَطر اعلي ماي


وحبل وصلك اجره بهيد ما اكَطع


وحبل وصلك اجره بهيد ما اكَطع