لمتذوقي الشعر الشعبي العراقي***

الشاعر الشعبي الكبير/راهي سعيد ال ناطور الشبلاوي
السلام عليكم ورحمه الله وبركاته..
اعزائي محبي وعاشقي الشعر الشعبي العراقي اقدم لكم اليوم باكورة مشاركاتي وودت ان تكون عن الشاعر ال
شعبي الشاب الشيخ راهي سعيد ال ناطور الشبلاوي وهو من قضاء الشاميه في محافضه القادسيه/الديوانيه وهو شاعر متمكن من جميع بحور الشعر الشعبي فقد لمع باالقصيده الشعبيه والدارمي والبوذيه وامتازت قصائدة بقوه المفردات والتعابير الشعبيه ورصانه المعانات التي يكابدها الشاعر في قصيده رصينه عاليه المستوى الادبي ووفاء لأبي كرار اقدم لكم احدى روائعه وهي قصيده

كتلني محايلي ويا الروح

كتلني محايلي ويا الروح اطبعه ردت عالذل
مثل تجبيش نزرة خيل تطاوعني وترد تجفل
مره تكوم مذعوره ومره ترتخي وتسبل
يروحي تخيري شتردين اعيش بروض لو ممحل
تجاوبني وتكلي بروض مايربه ويعيش الصل
صاحتلي وكلت يا حيف وجيت بغيض متحمل
اموت بشرف والعزة تضل وياي كل بكل
وبكت عندي سوالف ضيم اسولفهن لحادي البل
بنيت البيت يالحادي وغريب البيه غصب ينزل
وحسبت الحايط المبني زهاميل وصخر وثجل
زرعت الكاع يلحادي وعرفت الفرهد السنبل
وصرت لاكوط بشتالي الم السنبل من الجل
راسي افتر صرت مجنون مدري الغيري متخبل
اشوفن تنجتل وادم والجتال مايفصل
وشوف اسباع جوعانه وشوف ازنيهر مكصل
ولاوزنة فزع بالضيج نكوم ندابج ونصهل
ولادين اليطر عاكه ولاديان ضل يمهل



وين اهل الكرم والزود ذيج التذبح المطفل
منازلهم غدت خلوان وبطل حيلي عله كل منزل
يحادي اهل الرذيله اسدور عالطيب غدة تبزل
شسولفلك بعد شتريد اسمع قصتي وسجل
سوالفنه اصبحت تمثيل ماضل أليثمن الخل
اسولفلك بعد وحده ولاكن هاي ماتشمل
البعض كام يحلف بخته وخته دايحه ومجعل
هواي اطن بخت ياحيف ماتزعل على التزعل؟؟؟

وله في ألأبوذيه معقبا على قول المتنبي (فلا الجود يفنيها اذا هي اقبلت /ولا البخل يبقيها اذ هي ولتي)

وحك من هان سيفه هبل واللات
الدنيا مايهمهه الراح واللات
اشيبقيه البخل لوجان والات
ولاهي كبال ماتفني بعطيه

وله في الدارمي

كون افترج والكاك واتنوشك ايدي
وظفر الكصيبه وياك لظفر وريدي
البينة رس معدان من نعشك اخبال
وانه ويه روحي اعليك نتماطل امطال
لو تدري روحي شلون عكبك حــزنهة
مثل التشيـــــــــــط كبال تابوت ابنهة


وله في الأهزوجه بعد ان وصله خبر نجاة صديق له وعنوان اجتماعي من حادث

جزه شرهه وتعده والخبر جذاب
ونودعك يالعزيز بسور داحي الباب
نقبل غير كلبك ياكلب ينصاب
المثلك مايستاهل داخل بالله وبالعباس

وله في الموال

يابو الزعل ناظري دم يكت من نشفه
بس دهل خل بالحجو نشمت ونشفه
مرضه بسبب فركتك لوجيتنه نشفه
من حيث كلش زحم ياشيخنا بعدكم
ماعرف حجي الصدك يمن يصح بعدكم
ياساعه كلي تمر شوطولت بعدكم
حتى افرح بجيتك واسمع جمل ناشفه

واخيرا قصيدة للوطن

سلاما ً عالـــعــراق بــــگـــد نـــســـــيم الهاب

سلاما ً عالــــعـــــقول التــنــجــبــنــه كـــتـــاب

سلاما ً عالطـــفـــوله وطــلـــــعة الــــطــــلاب

سلاما ً على النـــخـــــله وشــجــــرة اللبــــلاب

سلاما ً عالــشـــبــاب الـــشـــايــله الـــشــــياب

سلاما ً عــالــجـــروح الـــطــاب والما طــــاب

سلاما ً عالــســفــيــنه الــتــحـــفــظ الــــركـاب

سلاما ً عالــحـكومــــه التـــحـــسبنـــه أحسـاب

عشيرتنه العراق اشـــمــــا تـــصيــر ألـقــــاب

ونظل حزب العراق شـمــا تــصيــراحـــــزاب

كافي احـراب : تره يـزعل وطــنه مــن يظـل

أتـــــــــــــــــــــــــــــــــــراب

كافي أحراب – كافي أحراب – كافي أحـراب

بگت وشله بعمرنه وخــــل نـــعــيــش أحبـاب

الامير سامر