الشاعر عدنان الحمامي

000

ياهو الدفن جسم حسين

عــندي امــناشــده وياه

صدگ من المرض نحلان

عــليل ومــبــتــلي ابلواه

صدگ من رايد ايدفنه

حسين امن النحر حاچاه

على صدري الطفل خليه

ابدمه وعالصدر خلاه

وفوگ الطفل حط ايدي

تشوفه فاطمه وتنعاه

هم دور اصبعه وشاف

من چفه انگطع يلگاه

وضلعه المنفصل منه

شاله وچم ضلع ينساه

غسل جسم ابو اليمه

لو غسله بفيض بدماه

ولمــن نــزله ابــلحــده

اظن بلا چــفــن واراه

جيب الراس وين الراس ؟

للكــوفـه العـــدو وداه

غريبه على االترب ايصير

نحـره واســـف واويلاه