انت بجمالك........بقلمي
وأنه انجنيت من نظرني اعيونك
على هونك اكلك لاتخزرني يهواي
واتيه كل طريقي لوكتلي اشلونك
من تغمز بعينك وتكول يله امشي
واكف اضل بس خيالي والروح يمشونك
اتهدة يعمي اعله كيفك انت وياي
من تمشي غطي الوجه خايف يحسدونك
احبك عود أنه احبك بس مدري ليش
اغار اعليك انه ومن كل اليحبونك
ياترف من الزمك وبين ادية اتذوب
يشوفون العسل علشفتين خايف يذوبونك
يالشايل جمال وسحر كل الكون
اموت أنه بحسرتي لو غيري يشوفونك
انت بجمالك جنيت كل هاي الناس
واكلك اولهم انه اصبحت مجنونك
بقلمي
عقيل كريم الشويلي
رد مع اقتباس