نور حسين ماينطفي ابها الاحقاد!!!!!!
طر جبدة السهم لحسين ورداه
عاري وبالشمس مسلوب ورداه
ولا مسلم ألجاب الماي ورداه
يلوج امن العطش ابن الزجيه
((ياحسين))
نور حسين ماينطفي ابها الاحقاد
لو قنبلة..لو جلمات بالدفتـر!!
نور حسين ساطع دوم للأحرار
مثل الشمس مايحتاج يتفسر!!
بيت الله تحجلة الناس عام بعام
يحج مرة بحياته مسلم اليكَدر؟؟
وانته أزيارتك مفتوحة عالأيام!!
كل يوم العهد وياك يتكرر!!
كل ظنهم نخاف وما نجيك أنزور؟؟
عمت عين الجدم لو عنك اتأخر!
وشلي أنيّ بلساني المايكَول حسين؟
وغم راي الجفوف الماتدَك حيدر!!
ولحد لف الكَلوب الما تشوفك نور
وكعبه للطواف وباسمك اتكبّر!!
واكسر كل قلم ما يعتقد هم بيك
وادفن كل حرف عن حبّك اتنكر!!
لان انت الحقيقه التجمع الاسلام
وبلا حبك اصول الدين تتبعثر!!
مشاية اجتلك شيعة الكــرار..
تسحَك عالمنية بجدم مايعثر!
أذا واحد وكَع مية التصيح حسين!
لأن حبكم سفينة وبالكَلب تبحر!
رفعنالك كَلب فوَك العلم عنوان..
وروحك ندري بيها ويانة هالتفتر!
وهنيالة اليموت ودمه يمك سال!
ومثل جسمك يبو الأحرار يتوذر!
لأن أزيارتك حجة وفرج للناس
وندريك الشفيع بساعة المحشر!
نبقى وياك متحدين يامولاي
ولا بينة اليخاف وكَام يتعذر!
وحَك دمك يبو السجاد والأكبر!!
وحَك دم الرضيع السال والمنحر!!
نبقة احنه نزورك كل وكت يحسين
لو تمطر فشَك وأرواح تتفجر!!
لو تمطر فشَك وأرواح تتفجر!!
******************
نلتمسكم الدعاء
الشاعــــــــر
جلال البطاط
غير مبروء ذمة من يقوم بالنقل دون ذكر الاسم
رد مع اقتباس