خوي ما يفيد يونس الجبوري

[الكناري يونس الجبوري]

ملاحظه
لو تاخذ الحرف الاول من كل بيت لوجدت العنوان
(خوي ما يفيد يونس الجبوري)



خلينـي ابچـي وابچـي وابچـي واســـكت لتعانــد ويايه
وظل مرايه گبالي بوجهـي وبظهــري انـــت الســلايه
يالحبيتـــك كــل حــب الله وظنيتــــك مخلــص لبچــايه

ماظنيـت تخــون العشــره ومصلحچــي وبحبــك غايه
انته موش اول من حبني وغشني وشــمّت بي اعدايه

يوم آني مئمن تنهشني ويوم افطن بس تمشـي ورايه
فوگ چتافي شلتك واركض تگوم تعضنـي من علبايَه
يمصخــم هذا آنا يونــس جبـــوري وتبچينــي النعّـايه
دمك مو من دمــي ارحــل وثوبــك ما يرهملــي صايه

يالتعرف اصلي من فصلي شــنهو اصلك من هالعوايه
ولا اتخــذك خادم عنــدي فايــن خايـــن شـــين الرايه
نمام وواشــي وما تصلـح لأي طفـل تصير انته الدايّه
سف عني وطيــر وفارجنــي اجتثيتـك اني من حشايه

اشــعاري من أكتـبها ملحه ما اســرقها مــن الحچّايه
لهجتها معروفــه من اهلي بالشــر بس احنـــا الوذّايه
جبور وربـــك فصلنــا واحدنــا حُــــــرّ يالفختــــــــايه
بس شنســــوي لواحـــد مثلـــك بعده يمصــط باللهايه
وبعده بصـــف اول يتعلــــم عالبابـــا ومامـا وعالهايه
روح وسلملـــي عالمامـــا وگــول الها يونس يسوايه
يسويها بـــيْ ياهــــي دگّــــه بتاريــخ الشـــعر محنايه






الكناري
يونس الجبوري
1/12/2010