الي صاحب فقير وصار زنكين
خله ضلوعي مبرد لسجاجين وانه شلته بدي بالكاع من طاح
نسه احنا انخلقنه من فرد طين واذا يرتاح هوه اني ارتاح
لا ياصاحبي المرجيه مو هاي لازم يجي يوم وتتغير الاحوال
شكد عندك فلوس وتجمع فلوس ابد ما تغيرك كثرة الاموال
المتربي صحيح وعنده ناموس كل لحظه يحمد ربه اعله كل حال
كبل جنت انت تشرب ماي بالطوس هسه بار عدكم بيه اشكال
وكبل عالكاع تمشي وحافي ادوس هسه شايلينك وانت تنشال
اثكل لا تخف واسمع كلامي محبوبين عند الناس الثكال
الشاعر
خضير هادي
رد مع اقتباس