هلالي وماخذ من أطباع الهلال
ولأن أنته عزيز بشوفتك عيد
ياطبع الكرامه ووگفة جبال
هلالي انته الأصل وأبن الأجاويد
تعنينه ونريدك ترضه بالحال
أتدلل وأطلب گول شتريد
(أبو حيدر) أخونه ونعم الرجال
شويلي الوصل صيته النجم البعيد
فارس بالشعر معروف خيال
وحچيه لو حچه يخضّر أناشيد
ما ينزعل منه شما حچه وگال
المحبه من الزعل ماتنگص تزيد
تعنينه أعلى شخصك ريّح البال
سامح هسه حطوا الأيد بالأيد



احترامي وتقديري للأّخوه الصادقه التي تربط الجميع وانا متأكد ان ليس هناك زعل ولكن سبقونا الاعزاء شاكر وابو حيدر في ان يجعلونا مثلهم الاعلى وان نقتدي بهم ونترك الخصامات والزعل والمشاجرات .. فهذه دعوه صادقه للجميع وخصوصاً المتخاصمين ان يبتدوا من الآن بصفحه جديده من الود والمحبه الصادقه .. تحياتي للجميع