اذا تزعل لاشارك

اني اكلك شنو اعترف

تدري شعترف
اعترف راح اعترفلك
واحنه شو نفس الامر
ثنينه انبكنه حدر شمس الظهر
ثنينه انبعنه بسعر جوه السعر
ثنينه السجين تانتنه نذر
ثنينه توهمنه بالحب ننتصر
ثنينه انعاني الغدر
واعترف راح اعترفلك
كلبي جان شكد جسر
وانه جتفت الجسر
وانه وزيت الحمامه اعله النسر
واسمع السر الخطر
صنم سويته بديه
وادري ماينفع يضر
وحاطه اكبالي وعجيبه الشوك من عده انتظر
وانته مثلي بهالامر
صنم سويته بديك شتنتظر
خل نهدم اصنامنه وكافي كفر
وبلكي نهده ونستقر
وبلكت وياك وانه وياي استمر
وبلكت المامر كبل هسه يمر
وبلكت اجناح العشك لبعيد ياخذنه ويفر
ونترك الممنوع والميصير
خل نغط بالماي موصرنه جمر
وبلكي نصحه من السكر
خذني يمك
كبل لايخلص صبرنه ويطفه دم وجوهنه وتطلع صفر
كبل لاينحك ذهبها اطباعنه وتطلع صفر
كبل لارمضان يفطر
ويفكر العالم مثل جية صفر
حطني يمك كبل لايم الصفر ينحط صفر
ها خويه ابو النسوان هذا كافي الاعتراف لو بعد تريد

ههههههههههههههههه

هههههههههههههه

انوب بعد اطربنه
ايليا يا غالي