ابوذيات , (قصائد محرم)

[رحيم الحسناوي]

دموم وجاريه ابو فاضل سواهه

وجيم وي حافر المهره سواهه

العضيد الكلفه ما يطلب سواهه

ابن كرار ليث الغاضريه




بعد عينك عسه النيبه تردني

جيوش يزيد مسبيه تردني

هم تكدر يبو فاضل تردني

لو طاح الحمل يبن الزجيه





زينب فكد ابو الغيره يلمهه

اجساد مطبره ومحد يلمهه

على الوننات ياهو اللي يلمهه

يسيره بلا ولي وعد ال اميه







جرعت سموم هالدنيه ومرهه

يتامه ويكلف رباهه ومرهه

يحيدر صد على عيالك ومرهه

وشوف الصار بولاد الزجيه


رحيم الحسناوي

[الكناري يونس الجبوري]

صح لسانك وعاشت ايدك اخي الكريم
ابوذيات رائعه
تقبل مروري
وتحيتي لك



تنقل لمنتدى الابوذيات

[أنثى شرقية]

ابوذيات رائعة بحق اهل البيت عليهم السلام
جعلها الله في ميزان حسناتك
تحياتي

[طالب الناصري]

بوركت اخي الحسناوي

[ميزان الذهب]

احسنت كثيرا وجعلك الله وايانا من الفائزين بشفاعة محمد وال بيته الطيبين الطاهرين

[شاكر الهلالي]

والنعم منهم ليوث العرب

شكرا لك وتسلم ايدك وصح لسانك

تقبل تحياتي ومروري بالموضوع 0

[السومري71]

جرعت سموم هالدنيه ومرهه

يتامه ويكلف رباهه ومرهه

يحيدر صد على عيالك ومرهه

وشوف الصار بولاد الزجيه

احسنت وطيب الله انفاسك
وجعله في ميزان حسناتك
عودة ميمونه اخي العزيز رحيم
وبأنتظر جديدك
وفقك الله لخدمة محمد (ص) وآل بيته الكرام