مثل نهر وجرف عمري الاريدة وياك

[ام علاوي]

مثل نهر وجرف عمري الاريدة وياك
هم شفت النهر لحظة نسة جروفة؟؟

انت كتاب كلبي وشاعر اليقراك
بدموع الليالي انكتبت حروفة

يل حسنك شمس وينور اعلة الكون
حتى اعمى البصر هم واضح يشوفة

يل طبعك كمر وتسامر النجمات
لو عنهن غبت تتنطر طيوفة

يل بية صرت وسط الكلب والروح
خل حبك جرح للموت ماروفة

كالوها اليحب يصبح مثل مجنون
صرت مجنون بيك وهاي معروفة

يا حاتم كرم معروف صيتك دوم
خاطر ماكسر فد يوم لضيوفة

يا ناي الحزن بيك انعزف موال
وكلماتك لحن مامنهة معزوفة

يا فرحة امل لو تمر بين الناس
احس بغداد عدنة اليلة مزفوفة

مو انت بحياتي صرت الية الروح
صفت مثل الشمس هالروح مكشوفة

لو عني ارحلت اي حال امرن بيك
مثل حال اليتيم ودمعة بجفوفة

واكلك شوف وكتي شسوة بية اليوم
بكليبي بقن طعنات لسيوفة
........................

مما لامس الوجدان

[امير الربيعي]

ام علاوي
:
عاشت الايادي على هذه الانتقاء الرائع احرف جميله تستحق الشكر والتقدير وتستحق الوقوف على اسطره الذهبيه دومكي مميز في اختيار كلماتكي الجميله
:
ننتضر المزيد

[النجم العراقي]

يا ناي الحزن بيك انعزف موال
وكلماتك لحن مامنهة معزوفة

يا فرحة امل لو تمر بين الناس
احس بغداد عدنة اليلة مزفوفة


ام علاوي

قصيدة رائعة وذوق مميز
لك كل الحب والاحترام
اختي الغالية

كلام يعجز اللسان عن مجاراته

راق لي ما سطرتيه لنا
من كلمات جميله ومميزه

شكرا لكِ

وننتظر جديدكِ


تحياتي لشخصكِ الكريم

[أنثى شرقية]

ام علاوي
انتقاء رائع وومميز ويحمل معاني كثيرة بين السطور
اعجبني كثيراااا انتقائك
ربي يوفقك
تحياتي

[المهندس علي]

يا فرحة امل لو تمر بين الناس
احس بغداد عدنة اليلة مزفوفة

مو انت بحياتي صرت الية الروح
صفت مثل الشمس هالروح مكشوفة

لو عني ارحلت اي حال امرن بيك
مثل حال اليتيم ودمعة بجفوفة

واكلك شوف وكتي شسوة بية اليوم
بكليبي بقن طعنات لسيوفة
........................

الله عليك يا ام علاوي الرائعة تسعدينا دائما
باحلى الاختيارات الشعرية الجميلة اختيارك كان موفقا
حيث كانت لي وقفة صغيرة
مع هذه الكلمات التي تحمل
احلى المعاني الشعرية
تحياتي لك ام علاوي اينما كنت

[طالب الناصري]

احسنت ياام علاوي
ذوق ورقه لايرتقي لها
الا من ملك احساسك المرهف

[ابو سجاد الركابي]

لقد لامس وجدانك الاحساس والمشاعر
والذوق الرفيع
سلمت يداك لهذا الانتقاء
تحياتي اليك