ضلع الزجيه- بمناسبة مولد الزهراء صلوات الله عليها

كتبنه عله الجرف ضلع الزجيه بليل
وعله اطراف النهر خاطبنه زهرتنه
جاوب يانهر وضمد بقايه اجروح
لأن نزف الزجيه اسهام علتنه
اجينه للفرح وننسه الحزن ساعات
ونخيط مرار الجرح بميلاد بضعتنه
شما اكتب فرح الكه الحزن موجود
لأن طبع الحزن بالزهره كسرتنه
وشما اوصف واسولف واذكر الجلمات
اشوف احروف ضاعن والكه حسرتنه
وشما نوصف مقامج نسجب العبرات
تظل ام الحسن مفتاح نهضتنه
صحيح القلم يصرخ والجرح ملجوم
يكتب للحزن شوغات حركتنه
وصحيح النهر صارع الموج وصمد
بس وكفة شرف باوتاد وكفتنه
نصبنه اوتاد نهرج والضلع مهشوم
وجبرنه الضلع بصولات حيدرنه
وصفتج نهر وادري النهر مدرار
لأن طبعي غصن رواي شجرتنه
يانهر السلامه الفارك الفلاح
وترك شتلة صبر باحزان غربتنه
ومن شتل الزجيه اليحمل الطعنات
اثمر بالطفوف اعلام شيعتنه
ومن صبرج عرفنه الصبر مفتاح
لأن صبر البتول الفرح غايتنه
بافراح البتول الماشافت الافراح
نفرح بالولاده انهنئ رحمتنه
رحمتنه الرسول ومرتضه الكرار
والزهره الجليله اتحامي خيمتنه
من قبل الخليقه النور بالزهراء
وقبل ادم حقائق علم عترتنه
ومن علم البتول وبضعة المختار
ترجم بالشهاده اضلوع زهرتنه
يانهج العقيده ونطفة الرحمن
اثبت للولايه ادروس علمتنه
-------******-------
الكعبي

السلام على الطاهره المظلومه
سلام عليها ابدا ما بقيت وبقي الليل والنهار
اخي الشاعر طيب الله انفاسك
دعائي لك بالتوفيق الدائم
تمنياتي لك بالخير والسلامه

السلام على الطاهره المظلومه
سلام عليها ابدا ما بقيت وبقي الليل والنهار
اخي الشاعر طيب الله انفاسك
دعائي لك بالتوفيق الدائم
تمنياتي لك بالخير والسلامه

تحياتي الاخ زهير العقابي انا لست بشاعر الشاعر كلمه كبيره ولم اصلها لحد الان وانما تقدر ان تقول محاولات وعسى الله ان يتقبلها بخدمتكم وخدمة اهل البيت عليهم السلام تخياتي الكعبي