تل الورد قصيده جديده لسفيرة الشعر

[سفيره الشعر]

قصيده تل الورد

عزيز انت علي من دون كل هالناس
وحبك يختلف واتعدى كل حدود
احبك من صدك موبس كلام احجيه
لان بالروح احسك والكلب مشدود
ياشدة ورد ياعيد يانوروز
بوصفك ماشفت ماصور المعبود
مشيت الخاطرك رغم الخطر والخوف
ولاهمني الفشك لاهزني البارود
واذا شل الجدم اتمدد عالكاع
وازحفلك زحف يحبيب وماعود
اشد حيلي واكومن لوطحت كلساع
واتوجه عالجرحي ولا كلت ممرود
كل هذا واحسب خاف انا مقصر
وتعنيت بخجل والشوك بيه يكود
ياخذني العشك اعمى ويدليني تيهت
شكثر بابك وارد ردووووووود
سلبت عقلي وجميع اعضاي من مريت
نحل جسمي بغيابك كلي يمته تعود
يابيت الادب مبني عله تل ورود
حقك تفتخر بالعطر شايل ززززود
ياهو الي نظر شخصك تره يهابك
تمشي بهيبتك ماحرستك الجنود
يابيت الكرم حاتم صرت من طي
ومضايفكم فخر اب وابن وجدود
ياتل الورد فدوه ارد اسالنك
هم مثلك شهم بالدنيه هم موجووود
ماموجود مثلك مايصح اثنين
عيون وشفه عندك والوجن وخدووود
تكتل لو درت وجهك على الصوبين
دخيلك موتت مسلم بجتله يهود

قصيدة جميلة اطمع بالافضل شكرا لك

[سفيره الشعر]

الامير سامر الغالي


شكرااااااااااااااااااااااااااااااااااااااااا


لمرورك وتواجدك المميز

[ام علاوي]

رائع ياسفيره
حقيقة انا اهنيك على ابداعك واحساسك المرهف
دمتي بهذا التألق ودام لنا مدادك الجميل
ننتظر جديدك الرائع
لك مني ارق التحايا

[السومري71]

الأخت المبدعه سفيرة الشعر وانتي حقا سفيرته
ابداع وتألق وكلمات تخطف القلوب وتحرك الوجدان
فشكرا لك وعلى تواجدك الذي اثرى وبشكل كبير هذه الصفحات
ننتظر منك ما يجود به احساسك
تحياتي

[رنا العراقية]

عاشت ايدج سفيرة

راق لنا ما راق لكي

تقبلي مروري

[ابو سجاد الركابي]

اشراقه رائعه \وهدوء شاعري بعد عاصفة الوداع \سفيرة الشعر لك مني ارق التحايا واجملها

جميل ماكتبتيه ورائع ما وصفتيه
ابداع اخر يسجل لكي
سيدتي سفيرة الشعر
اتمنى لكي التوفيق
ومن ابداع الى مثله
اتمنى لكي الخير والسلامه