قصيدة الشاعر رياض الركابي {يــــمتـــــــــه }

[أنثى شرقية]

ادوّر بيك زلّه ، او طبع ما مقبول
حتى اقنع واگول .. اله السبب عفته
اگلب بيك يمنه او يسرة ماخليّت
عساني الگه خلل من گبل ماشفته
او صدفة اكتشف بيك اطباع مو عالبال
عند الغير خلّه او حلوة بيك انت
من صاحب يجرحك ، ابد ماتغتاض
وابلغ من كلامك عندك السكته
او تطش جرحك ابضحكة ، او چنّك إلنه اتگول
خير الجمر ، خير ابحضن منقلته
ام هم بيك اكتشفت الطيبة مو بحدود
اشألذ من روح كل هالطيب شايلته
او تتلگه اليحسدونك واليغارون
إبراءة طفل والضحكات سالفته
اريد آنه اعوفك ، گلي انت اشلون
دخيلك ، ريح گلبي او حليّ مشكلته
صير اوياي قاسي ، قاسي حيل اوياي
او سمّعني كلام الگبل ماگلته
رجل شرقي ، واذا يجرحني اغله انسان
غلاته انساها واكتب بيدي خاتمته
ولكن وردة انت ، اشتجرح الوردة
او ترافة كون كله ابخدها شايلته
حل انطيني يالامنتك الاحساس
مثل سر ابضريح ايمام امنته
وحگك ، مانهار المر علي مرتاح
ولا ليلي مثل باقي البشر نمته
صرت حال المغني الينزف اوي الناي
او على همه او ونينه الناس حاسدته
ردت الصبر عون او اسف خان اوياي
او من صحتي نطيته او ابد ماخنته
يمته ارسه اعله حل ، يمته دخيلك عاد
القلق عندي ابشرك ناخ راحلته
او من گد ما يمته اصيحن يمته احلها اوياك
عالناس امن اسلّم انطق ابيمته

&&&
جميله جداا وراقت لي كثيراا

[طيبة النجف]

ادوّر بيك زلّه ، او طبع ما مقبول
حتى اقنع واگول .. اله السبب عفته
اگلب بيك يمنه او يسرة ماخليّت
عساني الگه خلل من گبل ماشفته


صح السان الشاعر المبدع

رياض الركابي

ويسلم انتقاءك اختي الغالية

حلومــــــــــة

على هذه القصيدة الحلوة

دمتي متألقة

تقبلي مروري

[احلاهن بطة]

يسلم هذا الابداع وهذا الذوق الراقي في اختيار قصيدة لهذا الشاعر المبدع حقآ كنتي موفقة جدآ في اختياركي ياغالية دام لنا هذا الابداع المميز
تقبلي مروري المتواضع
لكي خالص التحايا

[الشاعر ماجد الدعمي]

حلومه الغاليه
احسنت الاختيار وجميلة هذا اللوحه
لك كل الود

[ابو سجاد الركابي]

صرت حال المغني الينزف اوي الناي
او على همه او ونينه الناس حاسدته
ردت الصبر عون او اسف خان اوياي
او من صحتي نطيته او ابد ماخنته
الله عليك يا احلام راع ما اخترت فالجميل لايختار الا الجميل والطيور على اشكالها تقع اختيارك لقصيدة ابن العم اختيار رائع سلمت اناملك ايتها الرائعه

[ام فيصل]

عاشت ايدج عزيزتي
حقيقة اختيار جدا جميل
وقصيدة غزل رااائعة
تحياتي وامتناني لروعة ماتنتقين
دامت لنا هذه الذائقة

مودتي

[أسامه الشاعر]

حلومــــــــــة
رائعة في اختيارك
دمتي
وسلم شاعرها

[الغربه]

تسلمين عزيزتي للاختيار
المميز كل الوود