رسالة الى مسؤول

[نارتو]

رسالة .. الى مسؤول



(بمناسبة الانتخابات)



الشاعر / رياض الركابي



ست اسنين تطحن صبره الوعود

اليوم ابياوعد ترضي المواطن

اذا ميشوف خيرك شوفة العين

يدلي ابصوته بالصندوگ ماضن

المواطن .. غاية ياحضرة المسؤول

مو ربح او خسارة او بي تراهن

خمس اسنين قصّرت او مشه اوياك

لا ارهابي صار او لاحواضن

انته امأمن امحصّنه الخضراء

او هو ابحضن چف الموت ساكن

تبريراتك أو تأثير الارهاب

كلامك مقنع او شفاف .. لكن !!

اشلون تريده يحلم والوكت سيف

او ياباب اليسد وينام آمن

او شعاراتك امس ينعادن اليوم

وأنت ابين امس واليوم قارن

ارسمتهن عالورق من گبل سنتين

الشهادة لله حلوات المساكن

او على شفافك السوف اتگول تغريد

محمد عبده لو غنى الاماكن

الاماكن كلها مشتاگه ليك

الله ايساعدك خوية المواطن

المصايب كلها مشتاگه ليك

الله ايساعدك خوية المواطن

الليل اشماثگل همه اعله الگلوب



الصبح ينزاح وي صوت المآذن

[جنة الهدى]

والله حتى عاشت الايادي قليله بحقكم

تسلمون

[امير الاحزان:]

احسنت اخي نارتو

اختيار موفق..

دوم التميز والابداع
خالص تحياتي