قصيده للشاعر عريان السيد خلف

[ميراج]

قصيدة شريف الدم للشاعر عريان السيد خلف


معذوره الدموع عليك ما تنشف
ومعذوره الكلوب تهيم بيكم شوك
وتتعفر جباه الناس بأرض الطف
أجيال وعصور تعاكبت وأزمان
ودمك يا شريف الدم بعد ماجف
ياأول رفض لمصافح العفنين
ويا أول نعم للموت من يحتف
وياأشرف أسم ..سماك جدك بيه
ويا بزغت بدر..شع بالسمه وشرف
يالموتك..خلاص من الظلم والحيف
وكبرك باب كعبه وكبتك مصحف
يبن ذاك المغيث .الغوث أجيت أنخاك
أريدك بالشديده وياي تتلطف
مثجل بالهموم الحد كطاع النيط
وطوال الوسيعه أعله الكلب تكصف
وأنت أبن الاسد عطاي للينخاك
محبتكم دوه وللجرح تتوصف
أشيم الروح .تصبر تجفل من الصوت
يوجعهه الوكت.حدما بدت تتلف
أذكره بمصابك تخفض الجنحان
هيبه الوكفتك ما بين صف وصف
يالشايل عذاب أجيال تتله أجيال
أليثكل علينه . أعليك هان وخف
فرق بين الجفوف التزهي بالصمصام
وبين جف يشيل كاس ودف !
تتعرف الناس بحادث وعنوان
ونت الكون ظل بس بيك يتعرف

[امير الاحزان:]

احسنت الاختيار اخي ميراج
قصيدة رائعة..لشاعرنا واستاذنا الكبير
عريان السيد خلف
دوم التواصل والتالق
تحياتي

[عمار الغزي]

عاشت الايادي اخي الغالي

[سامي المشكور]

وأنت أبن الاسد عطاي للينخاك
محبتكم دوه وللجرح تتوصف

انها قصيده رائعه لشاعرنا الكبير

شكرا لك لاختيارك

[الشاعركريم السلطاني]

اللة عليك ياميراج على هذا النقل تلك القصيدة التي كتبها استاذنا ومدرستنا الشاعر الكبير عريا ن السيد خلف ولانها الى الامام الحسين ع
شكرا لك وتحياتي
السلطاني