السلام عليكم
اني مشترك جديد بهذا المنتدى الحلو والراقي وخصوصا منتدى الشعر الشعبي وكنت متابع للمواضيع التي كانت تعرض وحبيت جدا التعامل المبني على الاحترام والمودة والتجانس بين الاعضاء شي حلو
واكيد يكون حلو وكله احساس لان اعضائه كلهم حلوين ويملكون احاسيس راقيه
اتمنى ان تقبلوني كصديق
واني جديد عالتواجد والدخول ضمن المنتديات واقدم الاعتذار مقدما اذا يبدر مني خطأ غير مقصود بالكتابه او النقل
وراح اشارك معكم مقدما بقصيده حلوة للشاعر المبدع حمزة الحلفي وعنوانها
يسويها البخت وتروح مني
خلصتهن ورقه ورقه
ورقه ورقه وما قريت
ورددت أخر رساله
البيها من كتلك تعال وما أجيت
ليش ماجيت وشفتني
أكسر الخاطر
أدور عالصبح
بيبانه مسدوده لكيت
ليش ماجيت وشفتني
بس قميص مطرك ويشرب جكاير
كاعد بعتبت البيت
وما أصدك تجي وتشوفك العين
وهم يمر علي يوم واللاكيك
ولو صح البالي وجيت يا زين
يضيع لساني مني وبيش أحاجيك
أصيرن عين كلي بطرك جفنين
وأحير بيا جفن منهن أخليك
علي سوي فضل يالجيتك دين
تعال وداعتك بعيوني أخليك
أتانيك ولهفتي تسابك العين
وأدري ما تجي بس آنه أتانيك
تمنيتك عمر
وين التمني؟؟
ولكيتك بالتعب بس خاب ظني
وبعد ما عودتني بشوفك أرتاح
تريد تروح ياريحة التفاح
يسويها البخت وتروح مني
آنه من أشتاك ما أحمل الفركه
أصيرن نار حتى الماي أحركه
تذوب الروح أطيحن وركه وركه
وأرد التم ولا مكطوع جني
يسويها البخت وتروح مني
يسويها البخت وتروح مني
رد مع اقتباس
رد: السلام عليكم
رد: السلام عليكم
