بدموع عيني أرسم تصاويرك

[سناريا]

لوفوك الورق ينرسمن الدمعات
جابدموع عيني ارسم تصاويرك
لو يكدر كمر يلجأ لغير الليل
جنت اكدر اعوفك والجأ الغيرك
سهل انته وجبت كل عمري افسر بيك
وخلص عمري ولا حليت تفسيرك
جمالك موجمال تكول كوكب نور
اساطير الحسن داخن بأساطيرك
اغصان اشكثر شافن اطيور
مالمسن دفو الا بعصافيرك
احبك رغم كل ذنوبك وياي
واحسبنه كرم وياي تقصيرك
نهر عمري ونواعيرك يغرفن ماي
ولو اصفه جرف ماامل نواعيرك
بساميري على بابك شالن الآيات
ومن صلبوني دكوني بساميرك

(( منقــــــــــول ))
ارجو مراجعة هذا الرابط للأهمية

http://www.alforat.org/showthread.php?t=22548

[امير الربيعي]

عاشت الايادي كلمات رائعه عجز اللسان عن وصف هذه الكلمات الرائعه

[سلام الدراجي]

الله ياسناريا قصيده جدا رائعه وصور وتعابير جميله
ياريت تكون القصيده من كتاباتج
تحياتي وتقديري

[سناريا]

شكراً لمرورك نورت الموضوع
بتوقيعك امير الربيعي

[سناريا]

مرورك شرف لي واشكرك
على الكلمات الجميله بحق القصيده
وليست من كتاباتي
تحياتي لك