مطارده شعريه بالدارمي .........

[سلام الدراجي]

ياورده انتي امنين انه ارد اسالچ
گوليلي انه ارجوچ بلكن اجيلچ

[حيدر القريشي]

جاوبني يالمحبوب هم مثلي تشتاكَ
لو انت صخره بماي حبيت الفراكَ

[بنت البصرة الفيحاء]

كبلك احس بالشوق لو انت مشتاق
صدكني انه وياك مانحمل فراك

[حيدر القريشي]

كل الم بيه يروح من اذكر اسمك
والله اموتن موت بخيال رسمك

[بنت البصرة الفيحاء]

كل يوم افكر بيك
وانسه دوامي
وبيك انت مدري اشلون
الله ابتلاني

[حيدر القريشي]

يسمر وحكَ عيناك ما ضايكَ النوم
وعيوني من فركاكَ تسألني كل يوم

[بنت البصرة الفيحاء]

مشتاگـ الك مشتاگـ
وبگلبي حسرة
بيه كسر يهواي
وانته التجبرة
وسلامتك اخي الغالي حيدر وهس اني اروح للدوام ونكمل على الجايات
تحياتي

[حيدر القريشي]

هلبت تحبني حيل بس حبي أكبر
لو غبت بس لحظات مااكدر اصبر

ترجعين بالسلامه اختي بنت البصرة
تحياتي الج