ابو ذيات حلوة

[عمار الغزي]

تركني وهاجر گليبي ورآهم
هم أوجر أبدلالي وراهم
يا عاذل هاك اخذ عمري وأراهم
لان غاليين يا عاذل عليه

يا بعد أهلي وگرايبنه وناسي
چذب من گال ساليكم وناسي
صرت دوباره من بعدك وأنا سي
ربطت الدومنه وماتت بديه

روح التاعت بهجرك ولابت
بنود البلگلب ما ظل ولابت
انه الحجيت بيت الله ولبيت
طلبت يعيدكم يسمر عليه

چنت جاهل واشيلنك ولاشيك
بسيوله ما ابيعنك ولا شيك
بحبك ما وهم عندي ولا شك
چذب كلشي الي ضنيته وفريه

لميت ألي صعب عالناس جمعه
انتظرت السبت لن السبت جمعه
فرحان عفيه عليك شخلفت جمعه
ثور ويشبه شكول الطليه

على غيرك يا بعد الروح ما ارهم
لأنك للجروح أتصير مرهم
عليه العيد دون الناس مرهم
حتى العيد هم يمر عليه

أنت الخففت عشرتنه وشنيت
حروب اعلنت بالباطل وشنيت
شنهي الشبچه مشغوله وش النيت
أريد امواصلك بس بالثريا

منقول

[اميرالاحزان 1985]

يسلمووووووووووووو على هل ابوذيات الحلوه

مع تحياتي اميرالاحزان 1985

[عمار الغزي]

شكرا لك اخي الغالي امير
اسعدني وشرفني تواجدك الدائم
بصفحتي لا حرمني الله من طلتك
لك مني خالص الحب والاحترام

[حيدر القريشي]

عاشت الايادي حبيبي عمار
على هذه الباقه الرائعه من الابوذيات
تحياتي وتقديري لك دائمه ومستمرة
مع اطيب الامنيات

[عمار الغزي]

اخي حيدر شكرا لك
يشرفني وجودك الكريم بصفحتي
اخي لك حبي وحترامي

[سلام الدراجي]

عاشت الايادي حبي عمار
رائعه تلك الابوذيات يسلم يراعك
تسلم وتعيش
تحياتي

[عمار الغزي]

حبيبي واخي الغالي سلام شكرا لك ولمروك الغالي
لا حرمني الله طلتك منور والله

[ام فيصل]

مشكور ياعمار
ابوذيات رائعة
واحساس جميل
عاشت ايدك على هذا الإختيار الموفق
ولاحرمنا ابداعك
دمت بخير
مع تحياتي لك