قصيدة الى قصيرة ومدعبلة(حنو)
عسل كيمر شكر بخدودج لكيت
شنهي ربج خالقج من نستلة
واني اكول السكري اجتاح العراق
ثاري انت اسباب هاي المشكلة
من تفوتين بدرب ياخذ سلام
الكاع توكف لج تكلج ياهلا
الناس هسة بمرحلة اولى جمال
وانت قبل اسنين باخر مرحلة
انت اهلج بالزغر ماكحلوج
من اجيتي من السماء مكحلة
فوكَ كلشي ال(على) تعني بالكلام
وانت من دون الخلكَ فو ال(على)
موجميل بغير وجهج كل جمال
والكمر لو مايشبهج ماحلى
من ثكًل وزن السحر وسط العيون
نزل طولج لأن مايتحملة
والتواضع نزلج لليرتجيج
والنخل للكاع تمرة شماعلة
مدعبلة ايغارون لو كًالوا عليج
هو طبع الشمس هيج امدعبلة
كلمات الشاعر= علي شاكر =علوش نانا
رد مع اقتباس
