العراق يبجي بنوح...الى الســـــــيد الحكيم
زلزلتِ الجَبلْ وتهاوه يبجي إدمُوعْ
وإنهارَت صُخوٌره إتلاطمَتْ فزعَه
مالَحَكْ يشيلكْ جفه منْ الكاعْ
ويحِضنكْ شمٌوخ إ بسَدَه .. وبدْرعَه!!
مِتأخِر وصَلكْ ظلْ يدَوّر عليكْ ..
يٌلطُم بالحِزنْ بترابَه غصْ .. كَمعَه
بجَه صَبر ِالجَبل وإتحَسَرْ إعله الناسْ
مِن شافِ الحَكيم أوصالهَ مِتكَطعَه !
راح يشوف دَمَكْ خالط ْالتربانْ
وجداولْ نهَرنه فرُوعَه ... متشبعَه
ياكاع الوَطن .. وأشلاء هذا وذاكْ
مايٌخمَد حِزنكٌم ... تِنشَفِ الدَمعَه !؟
مٌوتعبَت نخلنَه عثوكَه يبسَة بيه
لاشوٌفت خَضار إتمايزَه ... إبزرعَه
بٌكه عُمر الصَبُر ناعُور بينه إيدُورْ
بإيمان ِ الزلِم يتعايش ... إبرُكعَه
مَيمٌوت الصَبٌر مفتاحَه جذر عروكْ
سِباحَه العِراق , الزّود مِن رَبْعَه !
يشِد جَفه بأمان إبساسَة أهلْ الدينْ
والمَرجع ولايَه ولازم ... إنتبعَه
وينفذ وصيته إبنودها العرفانْ
يَعني إويَه الشهيد إنجَدِدِ ... البيعَه
جَم عام إنوَكَل وَيانه عُمرَه إبظيمْ
شِفنه إحنَه العِراق إتحايلَه .. الأفعه
بيبن جبريل يٌوميَه الوَطنْ ينباكْ
بالفتوَه الكفيله إصفارها .. إبلسعَه
تِلكاهٌم ثياب إكصار ... مِتلثمين
باللحيَّه الخبيثه عكارب ... إمكَبعَه
اليُوم الوَطن مَحميته إنته تصيرْ
شِد عَزمَك جسر بترابه إلك .. شفعَه
وتراب العِراق إبمسكَه ينبَعْ طيبْ
يفوح إبثار يعلك لِلأمَل .. شمعَه
كٌل عام برجب تاريخ ماننساه
نِكتبَه إعله الجَبينْ إنحُفرَه .. ونرَصعَه
وإنحفظه إبمَجد ْ عُنوانه بالثوَراتْ
والثورَه الجبيرَه علومْها .. إنرضعَه
تمت ولله الحمد/
الشاعر\ابو foraten.net/?foraten.net/?foraten.net/?foraten.net/? الحداد
/ 2009م
كُتبَتْ للذكرى السنوية لإستشهاد المُجاهد شهيد المحرابْ والجُمعه الداميَه .. السّيد الحكيم رحمَهُ الله !
وثلة من الشبابْ المؤمن في مَدينة النجفْ الأشرفْ
__________________
رد مع اقتباس
رد: العراق يبجي بنوح...الى الســـــــيد الحكيم
