تانيتك تجي...................

[الشايب العراقي]

تانيتك تجي وتنور ألدار
وناذر بس تجي بالروح أخليك
وأشيلك بالصلاه ماهدك بگاع
أخاف عليك لاجدمك يزل بيك
ترف روحي عليك وگلبي ولهان
على دروبك گعدت أنطر وأتانيك
وما يحتاج أباوع وأشغل ألعين
من تـگرب أفز كلي وأحس بيك
وأميزك من تجي من بين مليون
أنا بروحي أشتبه بس ما أشتبه بيك
وشلون أني أشتبه وشتسوى العيون
ألمتعرفك حبيبي من ألاگيك
قصيدة أنت وحفظتك يا حلو على الغيب
أردد وألهج بأسمك وأغنيك
وكل يوم ألتعده وأنت عني بعيد
أگضي الليل بس أبچي وأناديك
تانيتك تجي وتنور الدار
وناذر بس تجي بالروح اخليك
بعت كلشي وشريتك وأنت زعلان
وبگى هدمي أبيعة وانت ترضه
غشيم أنه وشريتك ذهب تيزاب
وتاليهه طلعت مو خوش فضة
غشيم أني حبيبي بشروتي هاي
بعدهي ألروح ماتفتهم غضة
شريتك وأعتقد بيك أني ربحان
شبيدي على ألزمن كلمن وحظه
ولاهو أول جرح للزمن بعضاي
بجلدي من الزمن مية الف عضه
بالك لاتأمن للوكت دوم
لابد ما يعوفك بأخس لحظة
تانيتك تجي طولت الغياب
وگلبي من القهر طاح وتشضه
ياقاسي احبك رغم كل ألصار
وأنت بقسوتك محد لحگ بيك
أتضح كلشي وتبين وين ألقصور
مو بيه ألخلل والله ألخلل بيك



منقوللللللللللللل

[حيدر القريشي]

قصيدة رائعه اخي العزيز الشايب العراقي
بأنتظار المزيد من التالق والابداع
ولك مني ارق التحايا

[وردة بغداد]

قصيده جميلة جدا عاشت ايدك

وبانتظار جديدك

تقبل مروري

[رنا العراقية]

تانيتك تجي وتنور ألدار
وناذر بس تجي بالروح أخليك
وأشيلك بالصلاه ماهدك بگاع
أخاف عليك لاجدمك يزل بيك
ترف روحي عليك وگلبي ولهان
على دروبك گعدت أنطر وأتانيك
وما يحتاج أباوع وأشغل ألعين
من تـگرب أفز كلي وأحس بيك
وأميزك من تجي من بين مليون
أنا بروحي أشتبه بس ما أشتبه بيك



الله عاشت ايدك ربي ايرجع كل مسافر سالم الى احبائه واهله



شكرا الك

[امير الاحزان:]

يابة لو ما تكول منقول00
جان ضليت ادور عليك حتى اعرف صدك انت شايب لو تدعي
ههههههههههههههههههههه
عيني عليك حتى باختيارك رائع يا شايبنه
تحياتي 00تقبل مروري

[الشايب العراقي]

شكرا لمروركم على موضوعي
اسعدني مرور الجميع منورين الموضوع يا طيبين
مشكوووووورين والله يعطيكم الف عافيه

قصيدة رائعه اخي العزيز الشايب العراقي
بأنتظار المزيد من التالق والابداع
ولك مني ارق التحايا