دارميات حب

[بلسم الروح]

حبيبي شلون ماحبك... ولا بيك
وأمك ماتحن مثلي... ولا بيك
عساهن بيه لوعاتك... ولا بيك
وأحوّل كل الم منك اليه
********

حبيبي آنه احبك فدوه... بس مر
لأن حبك بنص الكلب... بسمر
صحيح انت حلو ياترف... بسمر
تمرمر كلي من تمر عليه
********
شجاك ومنشدت عني ... وانا سال
وكلها تشافت جروحك... وانا سال
اشوفن دمعتك نشفت... وانا سال
دمعي على الخدين واحركهن اليه
********


شوكت من الحقد كلبك... تعله
واظن حالف على كلبي... تعله
عليه الدوني يادهري... تعله
اريد اعرف سبب هاي الاذيه
********
حسافه العمر دونك... ياهوانه
ياعشكنه ياحجينه... ياهوانه
دخيل الله انت كلي... ياهو آنه
وهويتك ليش وشجابك عليه
********
احبك واعتذر منك... وناسف
جمال ابروحك مغربل... وناسف
احط بروحي تي ان تي... وناسف
وافجر روحي اذا تزعل عليه
********

حبيبي ليش عني تصد و... تمِل
وردت وياك اكضي العمر ولا... تمل
لو ادري بعشرتك شهر و... تمل
فلا والله جعلتك ولف ليه
********
افتك من هواك شلون... شفتك
وعلي طفر عسل من حجت... شفتك
طحت كلي على كلي بيوم... شفتك
دجرني مو طحت كلي عليه
********

ترف عشرين عمرك... ماتعده
واذا كلبي هجرته... مات عده
تعدلي هواي لاجن... ماتعده
ذنبك من طحت تضحك عليه
********
قلبي انت ملكته... وانت حر بيه
عليل وطبي عندك... وانت حر بيه
كاس السم اشربه... وانتحر بيه
اذا غيرك يمس اطراف ايديه
********
لتظن نار كلبي عليك... تبرد
وبعد كل الحجيته وياك... تبي رد
شوكت ماجيك بالسجين... تبرد
دهاك اذبحني هو شظال بيه؟؟!!
********



تحــــياتـــي الــكم


تقبلو اختي
منقول

[حيدر القريشي]

ابوذيات روعه
لا بل اكثر من رائعه
شكرا لكي اختي العزيزة
ولكي مني ارق التحايا

[أسامه الشاعر]

روعه وعاش ذوق البلسم
بس اعتقد مكانها الابوذيه
تقديري للغاليه

[احسان الجنابي]

كلمات جدا شفافه ورائع تسلم ايدج يابلسم
مع تحيات الجنابي