العراق الجريح

[مصطفى الفراتي]

فك كلبي على غفلة وشوف
والقي على النبض نظرة
وشوف اشيجرن النهــران
وسط الخارطة الخضرة
وطن من عفته شلته وياي
هوه وحسرته وصبرة
جبت سروال من اربيـــل
جبت دشداشه البصرة
جبت شماغ جبت عكـــال
جبت الصايه والسترة
جبت كل حسجه المشخاب
جبت من النجف درة
جبت نهج البلاغة ويـــاي
والقـــران والعتـــــرة
جبت كمكم دواوين الديوانيه
وياي وجبت مهــــــرة
وجبت بالروح والدتـــــي
وجبت محبوبتي السمرة
منقول

[سلام الدراجي]

الاخ مصطفى تسلم ابيات جميله عشت على النقل

[عاشقة تيسير السفير]

تسلم على الحساس الجميل موضوعك روعه

[ام فيصل]

يـــافراتي
صح لسانك عزيزي
كلمات رائعة واحساس اروع بحب العراق
شكرا لك ايها الأصيل على هذا النقل والإختيار
ودام لنا جود قلمك
بانتظار جديدك ----- تحياتي يا مصطفى

[مصطفى الفراتي]

شكراً على الردود نورت الصفحة بردودكم تحياتي لكم

[محمد السوداني]

قصيدة جميلة ورائعة عاشت الايداي كلك ذوق اخ مصطفى
ننتظر منك المزيد

تقبل تحياتي وتقديري