جــنـــت اظـــنـــك (عريان السيد خلف)

[محتاره]

جنت اظنك.... توكف بوجه الوكت وتنشف الدمعه بجفنه
او جنت اظنك ... بالمحِبه الفاجده , او حنت لبنه
ثاري ... سجينة خواصر ! .. كطع الدلال سنهه
قاسي و جروحك ينزن .. لوردت تنشدني عنهه
مادريت المايهزه الريح ... تالي يخف وزنهَ
او ما دريت ... اكلوب بشطوط العشك تركس لذنهَ
حاير .. اعيونك الحلوه .. اعله اليود صده اشلهنهَ
وآنه كل وني وعذابي .. او لوعةِ البجلاي منهَ
واعدت .. واتاملتهَ .. اوردت وخانت عهدهَ
ركطه ... نفضت غيضهَ اوطبت حفر وامنت سدهَ
آخ .. يانسمة شبابي الغربت ياهو اليردهَ
اوسمت اجروحي الجثيره .. او حاير بيا صوره اشدهَ
عاد يالجتفت روحي .. ابسلسلة جسرات هدهَ
لا تذوبهَ بلهيب اجفاك من كونك تهدهَ
اوكافي .. منبت ضيم صارت عاد خل تبجه بجرده
عفيه روحي .. اشلون طول جفاك ما فكدت رشدهَ ؟
وكحه ... والوكحه طويلة بال .. تتحمل وجدهَ
آخ ... ياروحي بعد هينوب ما يعدل غصنهَ
ورطتني .. بزيد وعبيد .. او مثل فص الملح بالماي ظنهَ
طاحت باخر درك .. وتبرت الخلان منها
هاي روحي ... الما تمل منهم .. بعد بتعس عسنهَ

[أنثى شرقية]

قاسي و جروحك ينزن .. لوردت تنشدني عنهه
مادريت المايهزه الريح ... تالي يخف وزنهَ


عاشت اناملك عزيزتي دوم الابداع والتميز

[عاشق عيونك]

آخ .. يانسمة شبابي الغربت ياهو اليردهَ
اوسمت اجروحي الجثيره .. او حاير بيا صوره اشدهَ

شكرا محتارة ع الكلام الجميل
تحياتي

[محمد السوداني]

او ما دريت ... اكلوب بشطوط العشك تركس لذنهَ
حاير .. اعيونك الحلوه .. اعله اليود صده اشلهنهَ
وآنه كل وني وعذابي .. او لوعةِ البجلاي منهَ
واعدت .. واتاملتهَ .. اوردت وخانت عهدهَ

الله قصيدة اكثر من رائعة سلمت اناملك يامبدعة

شكرا لكي ولذوقك الف

مودـــــــــــــــــــــــــــــــــــتي

[ام فيصل]

الف تحية لهذا التميز والتذوق
محتارة عاشت ايدج وصح لسان الشاعر الكبير عريان السيد خلف

سلم لنا هذا الإختيار عزيزتي
ودمتي بخير

[محتاره]

مشكورين عيوني

نورتوا صفحتي

مودتيـ

[الشاعر ماجد الدعمي]

محتاره
شكرا للاختيار المميز
والجهد والتواصل الواضح
وتحيه للشاعر الكبير
ابو خلدون
تحياتي

[محتاره]

شكرا لك سيدي

انتم عنوان الابداع

خالصـ وديـ