اظمك وين ؟؟؟

[الشاعر ماجد الدعمي]

عله شفاف القصيده الكيك نوبات
وترف كل القصايد تحجي بسمك
لا تفرح ابد من شم الورود
الورد فرحان جيه هو اليشمك !
ياماي وتطشر مني وراح
ادور جفوف بيهه اكدر المك !
بنص كلبي واكولن عني بعيد
مدري شلون حاير وين اظمك ؟
يل وحدك سلبت الفكر والراي
الف فدوات عيني تروح لامك
بجيت من السهام الصابن الروح
وفرحت هواي لمن جاني سهمك
اذا ساكن دليلي وعايش وياي
هم واحد يجي ويبعدني عنك ؟
ظن بيه حبيبي شلون متريد
انه الفرحان بيه شجان ظنك
اسوي سنين عمري الخاطرك ناي
واغنيلك فرح لو ضحك سنك
صح بعيد لكن خاطري وياك
وشما اغمض عيوني ابالي لنك
وعله شفاف القصيده الكيك نوبات
وترف كل القصايد تحجي بسمك

تحيات ماجد الشاعر
22/1/2009

[هاشم نجم]

هههههههههههههههههههههههه
بنص الكلب وتكول ابعيد
خليه ابوسط العين
قصيده جميله ورائعه يامبدع
تحياتي الحاره لك يا ماجد
الرائع

[الشاعر ماجد الدعمي]

ممنون منك اخي هاشم
تريد الصدك ؟؟؟؟؟
والله بعيد ... وجماله موراضي
الف تحيه الك اخي هاشم
ههههههههههههههههه

[ام فيصل]

رائع -- وكلماتك رائعة - واحساسك اروع ياماجد

ونصيحتي تسمع كلام هاشم وتحطه بعيونك مادام هوه بكلبك وتستاحش

واذا تكول كل هذا ومو راضي -- هذا اكيد يدلل عليك ههههههههههههه

عاشت ايدك ياصانع الكلمات يامبدع

لك مني ارق التحايا عزيزي

[الشاعر ماجد الدعمي]

شكرا لك ام فيصل الغاليه ولكلماتك الطيبه
ولعيونج اني افرح بدلاله علي
هههههههههههههههه

[ابو علي الصكر]

بحضني واكول ابعيد يلمبعد اكرب
ادنه للدلال من عنده 00 وشرب
...........................................
ماجد الغالي00
اتريده بهذا القرب ام اكثر00
ابهرتني حد الاعجاب..
مسائك ياسمين وقرنفل00
صكر

[الشاعر ماجد الدعمي]

حبيبي الصكر مكانك في القلب ولك مني ارق تحيه

تسلموووووووووووووووووووووووووووووووووووووووووووووو و
اخي الكريم