سلامات

[الشاعر ماجد الدعمي]

سلامات ..
ان شاء الله وكونك بخير
ومن عمري اعله عمرك
يابعد عمري
واسّم الله اعله اسمك
وعله طولك ذاك
يل جنك ربيت وياي
من زغري
واسّم الله اعله كلبك
ياشريج الروح
ولبكلبك يريته يحول
بكلبي
يريت الاه ابد فدنوب
متمر بيك
ويل صبرك جبير
وهاك من صبري
احلفك بيش !
وابد دمعة عيونك لا تكع للكاع
ودمعتك هاي دم وي
النبض تسري
وبعد ارجوك لاتصفن
على الي راح
اعتذرلك واريدك تقبل بعذري
وسلامات بكثر مابالدنيه ناس
وبكثر نجوم ربي
البسمه تزهي
ومن عمري اعله عمرك
يابعد عمري

ماجد الشاعر 12/1/2009

[ام فيصل]

هنيئا هذا البوح لهــا

والهمس لهــا -- والحرف لهــــا

سيدي ..........

لقـد بددت اشلاء اليأس في قلبها

فأين هي من وجدانك ..... ؟ قد تكون بحاجة لدفء كلماتك

وقد احســّت بطيبة قلبك الذي ناجى قلبها


مـــــــــاجد --- بدموع لاتغادر الوجنات

هنيئـــــا ً لهــــــــا -- ولــــنا بــك ايها الإنسان

ولك ودي وأرق التحايا

[وفاء سلطان]

ابيات جميله

ونضم رائع

تحياتي لك

[الشاعر ماجد الدعمي]

ام فيصل حقيقة لا تسعفني الكلمات ولا اجد ما اقوله
فشكرا لهذه القصيده الرائعه وليست الرد الرائع لك دعواتي

[الشاعر ماجد الدعمي]

اختي الغاليه وفاء شكرا لمرورك الكريم ولك تحياتي

[هاشم نجم]

وشرايده بعد احسن من هذا الكلام
الذي ينكط عسل
عاشت ايدك يامبدع
تقبل مروري وتحياتي

[الشاعر ماجد الدعمي]

تسلم حبيبي الغالي هاشم
وسعيد بمروك
وهسه هي راضيه ؟؟
ههههههههه

[سلام الدراجي]

والله عمي تحياتي الك هيه كوه شاعر ونص رررررررررررررررائع