ابوذيات جميله
السلام عليكم
هذه بعض الابوذيات ياريت تعجبكم
يهل الناديت بسمي هواى عيده
ويه هل ماخذ دليل وياك عيده
الكلب مو بسعد رمضان عيده
اني عندي العيد من نكعد سويه
تكلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه
قسيت وياك يسمر عمي انا
وعين الي الماتشوفك عمي انا
اذا خالك فزعلك عمي انا
تبرة وضحك والوادم علية
اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه
الكلب لا مظهر ولا مال غربه
ولو عمري بحماده انشتل غربه
ما احمل بكاع اجناب غربه
احن واشتاك لهلي بكل مسيه
سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه
بروح الهوى عيب ابكه ولا خل
انازع والعكل صاحي ولا خل
ابكوتك ما الي صاحب ولا خل
سواك وحرمت وصلك عليه
علام الدهر شتتن وطرنا
عكب ذاك الطرب بالهم وطرنا
الف ياحيف مكضيته وطرنا
ليالي اللي مضت متعود ليه
منقول
تقبلو تحياتي مصطفى الباشا
رد مع اقتباس
رد: ابوذيات جميله
المشاركة الأصلية كتبت بواسطة ام فيصل
