امي

[مصطفى المالكي]

امي شمعه ابليله ظلمه
تحترك وضوي لينه

وامي خيمه وحضن دافي
وبيت ضل ساتر علينه

وامي دمعتها تنزل
كبل ما تسمع بجينه

وبينه واحد لو تمرض
تون من تسمع انينه


وهيه تنسه الحزن كله
وبينه تفرح لو اجينه



وامي والله انسانه طيبه
مؤمنه وكلش حنينه

بكل صلاة اسمعها تدعي
من الباري يستر علينه


من الباري يستر علينه



تحياتي



مصطفى العراقي

[محمد السوداني]

الله عليك اخي العزيز مصطفى قصيده رائعه جدا
تحياتي لك من القلب يامبدع

الله يخلي امك الك ان شاء الله
ماكو احلى من انك تشعر بحب وحنان الام
بارك الله بيك
وتسلم اخي

[حيدر القريشي]

قصيده في غايه الروعه
شكرا لك اخويه العزيز
وتقبل مني خالص الود والتقدير

[مسره]

عاشت ايدك يامبدع
وامي خيمه وحضن دافي
وبيت ضل ساتر علينه
تحياي

[الشاعر ماجد الدعمي]

تحياتي لك مصطفى العزيز وانت مبدع دائما ...

[ملكة الاحساس]

تسلم اخي على القصيدة الجميلة

[ام فيصل]

مصطفى يا مصطفى

رائعة هي الكلمات والإحساس اروع

قصيدة دافئة كــدفء احضان الأم -- مبدع اخي اتمنى لك كل التوفيق