لاجل هذا الوطن

[محمد السوداني]

ما ادري شكلك مدري شحجيلك
وانه ادري من اسولف بيك اشكيلك

احجاياتي وي الناس كلهه بصوت
بس من اذكرك تتغير احوالي,,,,,

يصير الصوت صرخه والحجي من العين
يبعد اهلي وناسي ياكلي

كلك انته وانه كلك,,,,,,,
وانه حته الشمس من تطلع علي
التفت وراي واشوف ظلك

انه احبك حيل حيل احبك
وانه كل قطعه بجسمي كاتبهه الله باسمك

لو بيدي الوضع صبيت الك تمثال
واجب عل يمر بيك لله يركع

ركعت دعاء مطلعهه
يالله كطعني ولاهو يتكطع

وقسمني وذر بحلوك اليريدون تقسيمه
وانه ادري بول مضغه مني الناس رح تطمع

لان طعم العراق الواحد ماله مثيل
طعم طيبه ونزاهه وكرم وللذله مايخضع

خلونه نتصافح ايد بالايد
او لاجل هذا الوطن خلونه نفزع
وخلونه نشد احزام ثورة العشرين

وننظف ساحته من الجاينه بمطمع
وننظف ساحته من الجاينه بمطمع

بقلمي اخوكم السوداني

[ابو علي الصكر]

عيني بارده عليك 0 كل هذا الابداع وتكول ما اكتب شعر00
والله روعه يا عزيزي ابو جاسم الورده000
الصكر

[محمد السوداني]

ابو علاوي اخي العزيز مشكور على هذا المرور الرائع
وعلى هذه الردود التي تدفعنا الى الافضل ,,,,,,,,,,,
تحياتي لك,,,,,,,,,,,,,,,اخوك محمد

[العراقي الطيب]

مشكور تحياتى الك بورك فيك لهذه المشاركة


ركعت دعاء مطلعهه
يالله كطعني ولاهو يتكطع

[محمد السوداني]

اخي العراقي ياطيب تحياتي لك واعتزازي لتفاعلك
الرائع ,,,,,,,,,,,,