المظلوم انته
المظلوم انته وصح اخوك حسين
مظلوم البشر كلهم يسمّونه
ما اختلف عنهم بس اريدن راي
باليلفظ جبدته وما يذكرونه !!
الحسن .. هوّه المؤسس للطفوف وجان
ما مميت !! عدل بالطف يشوفونه ؟؟
اليسره لكَمر هاشم .. واليمين حسين
وبنص الجيوش الحسن ميمونه !
كريم وجاد حتـّه بروحه يوم الكون
من شاف العيــا ل بلهفه ينخونه
شلع كَلبه ونطاه لحسين من انصاب
واتلكَـّه سهم عبّاس بعيونه ؛؛؛
كريم وحس بعد بيه حيل ينطي الحيل
للما عنده حيل وسار بضعونه
رغم لوعة دليله ، وجبدته ، وبلواه
سره ويه الضعن ما خلـّه الضعن دونه
لبس قيد العليل ،، ومسح دمّه وكَام
تعنـّه لخدر زينب رايد يصونــــــه ؛؛
فرش روحه عليها وما قبل تنظــام
وصفت كل العيال بجاله مامونه
انسبّه هوه كَبل ماتنسبي النسوان
وجن سوط الشمر ينزل عله متونه
***
واحس حتـّه الحسين بدمعته يواسيه
شما لاحظ مناير كَبره معمورة ؟؟
يستهظم يشوف الناس يمّه تزور
بس كَبر الحسن محد مشه يزوره !!
***
حضر طف الحسين وغاب عن حسين
بس برض البقيع تكررت طفـّه !
كوم تراب كَبره ومن وراه تراب
وهوّه لكل تــراب يطهره ويشـرفه
وجن حته الكَمرعباس يبجي عليه
يعاين عل بقيــع ودَمعِته بطرفـه
واتصوّر لون عباس عنده جفوف
جا شال الضريح وحوّلـَه بصفـّه !!
***
عذراًيا امامي وندعي من الله
نجي نزورك ونفكَس عين عدوانك
ويريدلها بخت لمن نجيك نزور
ونشوف الكَبة تضوي ويزهي د يوانك
ويريدلها بخت لو بيرغك منشور
ونجي نقدّم نذرونحنـّي حيطانك
ولو بيدينه جا .... برواحنه نواسيك
ونبنيلك صرح ونغيـّر مجانــك
بدل ما علأرض ... بكَلوبنه نخلـّيك
ونخـلّي الضلوع تصير بيبانــك ؛؛؛
***
يمن كل اصبع بجفـّك بحر للخير
وغطـّه الكون كلـّه وزاد معروفك
وحته اسمك حسن منك خذه الاحسان ؛؛؛
معناه وتشرّف من خـَذه حروفك
يمعزّب الضيف دخيلك آنه وضيف
متمسك بحبك وابد ما اعوفك
لا اطمع بجنّـة ولا تهمني النار
لو بس بالقيامة عيونـّه اتشوفك ؟؟
اشوفك بالحشر واكَف ابّيـن الناس
وقصيدة خادمك شايلها بجفوفـك
منقوله
رد مع اقتباس
رد: المظلوم انته
رد: المظلوم انته
