تدريني احبك\محاوره بقلمي
هذه الكلب بعدك تعب وحيرني والله بامره
ما يرضه اعوف محبتك وحالته صارت خطره
لا يرضه يصبر عل بعد لايرضه ينطره فتره
تدريني احبك والكلب صاير يولفي جمره
ياولف كافي من الزعل ارجع وفرح ايامي
ما بيه اصبر وانتظر وانه اعله جيتك ضامي
كل يوم اروحن وعتني وملتني حته اجدامي
شنهو الجره والغيرك وشوفتك صارت حسره
تدريني احبك وكلب صاير يا ولفي جمره
الجلك انا افدي العمر وما اندم اعله ايامه
وليل اليمر اعله البشر صدكني انا ما نامه
ترفرف عليك اروحيتي يا ولفي جنهه احمامه
منعو عليه شوفتك ولدروبك اعيوني تبره
تدريني احبك والكلب صاير يولفي جمره
منعو عليه شوفتك شنهو الذي يردونه
راح اعتني لهلك انه وانطيهم ليطلبونه
وابجي وهلا دمعتي ويا ربي ايرحمونه
يا ربي انته بعزتك سهل عليه السفره
تدرين احبك والكلب صاير يولفي جمره
يوم المنه يوم التجي لهلي ينور اعيوني
وراح انتضر وارفض كل الذي يخطبوني
وما اقبل بغيرك ابد لو ادري ايذبحوني
اوفي الك والما جره خل يجره
تدرين احبك والكلب صاير يولفي جمره
تحياتي
مصطفى العراقي
رد مع اقتباس
المشاركة الأصلية كتبت بواسطة العراقي الطيب
