الى الزهراء (عليها السلام)

[الشاعر شاكر الشمري]

قصيدة الزهراء(عليها السلام)
*******************

الزهراء (عليها السلام)
**********************
كوثر سلسبيل الزهره يوم الديـــــــــن
وفقط بس الموالي اليغترف منــــــــه

الناس عله الصراط تميل من الخوف
وحنه عله الصراط الزهره تحضرنه

وذا هيه ام ابوهه تاكد الزهـــــراء
اذن هيه الشرع والدين والسنــــه

وذا بضعة محمد يعني هيــــه وياه
قاب من العرش قوسيـــن او ادنه

الوادم بالحشر تترجه رب الكون
تدخل بالجنان هناك تتمنـــــــــــه

بس بضعة محمد كلي وين تصير
حرت بهاللغز وشلون احلنــــــه

اذا من الجنان انخلقت الزهراء
يعني شلون جنه وتدخل بجنـــــه

خيمتنه الجبيره وكلنه بيهه نلوذ
وستر ربك يرفرف فوك خيمتنه

تفرقنــــــه الليالي شكثر والايام
ويرد حــب الزجيه ردود يجمعنه

وعلـــه ضنة زياره وجنه نترجاج
نطوف احنه بضريحج وحنه نتمنه

طلع كبرج خيال وابد ما موجود
ردينه بخجلنه وخابت الضنـــــه
*************************
وزحمه ام الحسن لو ردت الخطار
وربك من عطايه الجود سواهـــه

عطاية مراد وماترد الضيــــــــف
وماخاب وخسر كلمن تعناهـــــه

ولو رايد طلب مو للبقيع تروح
روح لكربلاء حسين تلكاهـــــه

وذا رايد توفي فاطمه الزهراء
دك صدرك يشيعي والطم وياهه

وصح كسر الضلع جرح وتاذت بيه
بس جرح الحسين هواي اذاهه

مجروحه الزجيه وما اظنهه تطيب
بس دمعك يشيعي اليجري دواهه

[ابو علي الصكر]

الاخ شاكر المحترم 00
لا استطيع ان ارد عليك ابدا00وحتى لو رديت ماذا اكتب اقول لك احسنت او قصيده رائعه 00
احسن لي ان اصمت اتجاه هذه الكلمات المبكيه والباكيه 000
جعلها الله في ميزان اعمالك000
اخوك الصكر

[العراقي الطيب]

شكرا اخى جزاك الله خير الجزاء

[الشاعر شاكر الشمري]

الاخ ابو علي الصكر المحترم
مرورك وسام شرف اعلقه على صدري
تقبل تحياتي

[سلام الدراجي]

احسنت اخي شاكر الشمري قصيده رائعه اللهم اجعلها في ميزان حسناتك

[الشاعر شاكر الشمري]

العراقي الطيب
شكرا لمرورك اخي العزيز
تقبل امياتي بالخير

[الشاعر شاكر الشمري]

الاخ الفاضل الزي روماني
مرورك وسام اعلقه على صدري
تقبل خالص التحيات

[همس الغروب]

قصيدة اكثر من رائعة
عاشت الايادي