احبك مو لان انت حلو

[ابو علي الصكر]

احبك مو لان انت حلو لا
---------------------------------------- لان روحي التقت كبلك ولك بيك
اذا انته تمر على الاعمه يصيح الله
---------------------------------------- والاخرس لون حاجيته يحاجيك
اذب كلبي اعله سهمك واني مجروح
---------------------------------------- واكلك دير ابلك خاف اذيك
اجرحني ولك بس كون اعله كيف
---------------------------------------- لان انت ويه دمي واخاف ابديك
اجرحني ولك بس كون ما اموت
---------------------------------------- حتى من يتهمونك ابريك
عالمراية اباوع ما شفت وجهي
---------------------------------------- شفت وجهك طلعلي وكمت احاجيك
فدوة شد ركبتي وطلع الروح
---------------------------------------- اريدنهه بعد تتقرب عليك
انت بحضني بس اعتبرك بعيد
---------------------------------------- اريدن هيج كون انخبط بيك
بيا شارع مشيت اكبالي الكاك
---------------------------------------- ادور بغير شارع هم الاكيك
ارد للبيت كبلي الكاك بالباب
---------------------------------------- اطب كبلك تطب وتكلي اتانيك
بغيرك فكرت كلت حتى انساك
---------------------------------------- طلع غيرك يشبهك فكرت بيك
ـــــــــــــــــــــــــــــــــــــــــــــــــ

[غفران الحزين]

اجرحني ولك بس كون اعله كيف
---------------------------------------- لان انت ويه دمي واخاف ابديك
اجرحني ولك بس كون ما اموت
---------------------------------------- حتى من يتهمونك ابريك

تسلم على القصيده الجميله
والله كلامات مؤثره وجميله
وعاشت ايدك
اخوك غفران

[سلام الدراجي]

ابداع ما قبله ابداع قصيده جدا جميله وعاشت ايدك يانور العين

[ابو علي الصكر]

انت نور العيون مو العين
اشكرك يا حبيبي
الصكر

[ابو علي الصكر]

غفران العزيز00
اسعدني مرورك الكريم 000
الصكر