خجل حتى الوطن

[انجي العراقية]

خجل حتى الوطن من شافنه ابها لحال ... مثل والد عليل اتعاركو ولده

ياجار اليحشمه اويدري بالجيران ... متحزمه عليه اوتشتغل ضده

اذا مايهده تهده اوتفرح اوترتاح ... اوماتهده دقيقه من تلوضع يهده

باوع علدول والناس وصلت وين ... وحنه ابهلخلاف انجيبه ونرده

مسرحنه انعرف وشتهروا لابطال ... مخطوف اوشهيد اولازمه العده

اومجهول الهويه اوجسد مابيه راس ... اومفجوعه ابولدهه اوتصرخ ابسده

مسكين اليتيم ايمر عليه العيد ... ودموعه فواتح ناصبه ابخده

گلي ابيا ذنب كتلو ابوه اوليش ... كوم اعيال عده اوكلشي ماعده

اوگلي ابيا بخت جابوه ابغير ازنود ... للجابت عمرهه امچلبه ابزنده

جرحك مثل جرحي اوبلوتك بلواي ... وصوابك اصوابي اشلون ماشده

ناوشني المحبه اوبوسة التجبير ... خل نگطع نزيفه ابلسم الوحده

اشگد مشتاگ امر للاعظميه اليوم ... والنعمان ازوره اويمك اتغده

اونعبر عالجسر نتمشه ايد ابأيد ... يم باب الحوائج غيضنه انهده

لاخير ابوطن ماتغفه عينك بيه ... و لاخير ابشعب مايعبر الشده

[ابو علي الصكر]

مابدلك بالذهب اطنان منه وطن

شماعلن بيك المحن نزلن ولجلك وطن

اكطع اجدامي لون ابغير كاعك وطن

يا احلى واروع بلد مرفوع راسك يضل

يبقه انت خيرك كمر عالكون خله يضل

لومشه بدربك طفل بخطواته لا مايضل

جيف انت اروع بلد ماكو مثيلك وطن
***************************

وتسلمين على هذه المشاعر اتجاه وطنك المذبوح000

نامل المزيد لكي نضمد جراحات بلدنا 0000

[ابن الوسط]

بلادي وان جارت عليه عزيزه ....اهلي وان جاروا عليه كراموا

[ابو علي الصكر]

نعم00000نعم0000نعم00

هي اعز بقعه في الارض على قلبي امي الثانيه لم افرط بها لوقطعوني اربا اربا000

ودمت عزيزي

[ذيب الغزالية]

عاشوووووووووووو

الله يكثر شعرائنا ..!!

والله كلام تقف له الغيره

شكرا لكم

لكم ودي واحترامي

[انجي العراقية]

اسعدتني كلماتكم الرائعه.........ياعراق

عشك معدان إلك عشكَي ... نكهة جنوب وطيبة رمادي
تبغدّد علينه ياترف مزيون ... أفيه بيك السحر بغدادي

[الاء قانون]

الله يحفظك ياربي على هذا الاشعارا الي
تهز كيان كل عراقي شريف وغيور........فكما قال الشاعر____بلادي وان جارت عليه عزيزة واهلي اون شحوا عليه كرام
تقبلوني العضوة الاء قانون

[ابو علي الصكر]

اهلا بك يا الاء0000

اخت عزيزه علينا ونقول لك000

اهلا وسهلا بيج حيل الكلب صاح
لو ما تكظه اضلوع جا فرفح وطاح
00000000000000000000000000
هلا وغلا000
الصكر