قصيده في حق سيد الشهداء
لابو الاحرار حنينه
وبچینه
وعلى حبه تلاگینه
ومشينه
وذكرنه ايام چنه ابحضرته
انطوف
وچنه ازغار وبحبه
انچوینه
وذكرنه ايام چنه ابشوگ
ننخاه
وعلى رغم البعد لاجله
اعتنينه
وچان الامل يكبر بينه
كل يوم
وكرامات الطهر فاضتْ
علينه
؟؟؟؟؟؟؟؟؟؟؟؟؟؟؟؟؟
وكلنه امن الزغر عالمعتقد
ذاك
نود حسين ونذوب
ابحنينه
وچان حسين عدنه الروح
والراي
وبچینه ادموم لمصابه
وعمينه
العمر كل العمر منذور
مولاي
الك وارواحنه وكل نفس
بينه
وچنه ابحضرتك نتبارك
ازغار
ونناغيك ابحنان وتناغينه
ولو هدنه تعبْ من شوگ
الفراگ
توسدّنه اعلى صحنك
ونتچینه
آآآآآآآآآآآآآآآآآآآآآآآآآآآآآآ
ولو مرنه نسيمك فايح
ابطيبْ
يداعب كل مشاعرنه
وغفينه
وسرحنه ابعالمك لحظات
طيباتْ
وخذتنه الروح وبلهفه
ومضينه
ومرينه ابسماكم نور
وانوار
كواكب ضاويه اتشع
بالمدينه
وتمنينه العمر لو يگضی
احلام
ويظل طيفك عمر يتراوه
لينه
{{{{{{{{{{{{{
وتظل الروح طيره ورفة
اجناح
بلاهه الشوگ بيكم
وابتلينه
وصحينه ومرّتْ الايام
لحظاتْ
وتم حبكم دمانه اليسري
بينه
يبو السجّاد غيبه وطالتْ
اسنين
وبعد عالفرگه ماظل حيل
بينه
اشبگه امن العمر واحنه
ابعاد واغرابْ
متى جمع الشمل بيكم
ولينه
فرحنه وگلنه راح الظيم
وانزال
وماندري المصايب لفتْ
لينه
}}}}}}}}}}}}}}}}}}
ولفتنه المحن من كل صوب
مولاي
قتل ارهاب احقاد
وضغينه
وظلينه نجر حسباتْ
كل يوم
بيش اطلعنه رحنه وبيش
اجينه
ولفتنه احقاد ماتخطر
على البال
وغزتنه امراض كل احنه
انعدينه
وغاب العگل عدنه وتاه
الحسابْ
المنطق مات نعشه
امشيعينه
اولا واحد البينه وگال
غلطانْ
وكلمن مشه ابرايه وتركْ
دينه
{}{}{}{}{}{}{}{}{}
ورع ماظل بعد لاتقوى
واحساس
وكل واحد شهر سيفه
ابيمينه
العايل ظال يخبط بين
هالناس
اولا رادود رده وفگس
عينه
اولا هيبه بگتْ للي
يفكرون
وضاعتْ كل قيم صارتْ
رطينه
لچن عدنه امل بيكم
يالاجواد
ابعزم الله وعلي حامي
الضعينه
مدام حسين عدنه وداحي ا
الباب
اشما جار الوكت همه
السفينه
{}{}{}{}{}{}{}{}{}
اجينه وشايلين اهموم
اطنان
اذا مو الكم المن لو
شكينه
منو العدنه يعدل الحمل
لومال
ومنو الهول المصايب
ذاخرينه
يابو الاحرار جينه انجدد
اوياكْ
عهد نبقه اعلى حبك
مابقينه
وشما جارت الدنيه ومرتْ
اهوال
يظل حبك نبعنه البيه
روينه
الملايين البشر نهجك غده
اشراعْ
ذخرنه اعلى الصراط
البيه نجينه
{}{}{}{}{}{}{}{}{}
الك منه الولاء وتظل
نبراس
فخرنه ابكل زمان البيه
زهينه
ابو الاحرار چلمه وشوگ
وعتابْ
يظل نهجك فجرنه البيه
علينه
ابغير حسين بيش الظيم
ينزال
ابزمان الفتن بيهه
امحوطينه
يبو السجّاد بيك انعقدتْ
آمال
فجر من
فجر نوره
اتنورينه
لآلآلآلآلآلآلآلآلآلآلآلآلآلآ
الهي ابجاه سيد البشر
ننخاك
تحشرنه اعلى نهجه
البيه
رضينه
خسر كلمن يعادي
حسين وهناك
ابسلاسل من حديد
امقيدينه
خلد بالنار فاز ابذلهه
وانهار
خسرْ والعار
مطموغ
ابجبينه
النجاة بآل طه
المصطفى اهناك
ربح كلهم
ربحْ
واحنه اشترينه
{}{}{}{}{}{}{}{}
ابو مرتضى علي البهادلي
ايمدغوب
رد مع اقتباس
مشاركة: قصيده في حق سيد الشهداء
