ياهظيمة

**العراقي الطيب** · 28-09-2007

صديت الرماح الي أجت ليك
شلون ابگلبي أنته اتحط رماحك
وانه بابك صرت من هبت الريح
وقفلت الروح حته اتصد رياحك
تعرفني حمامه وأعشگ الخير
واجيت اني لجل أشفي جراحك
باوعني عدل ليخونك الشوف
واتيه مسائك من صباحك
أنه العمري گضيته اعليك ناطور
وافزع لو تمر همسة صياحك
وانه ابصدرك وشاح اسنين وسنين
شجاك اشبيك تيهته الوشاحك
ضنيتك ترد الطيب بالطيب
ومن اتشوفني ايصفگ جناحك
أجيتك چفي ابيض شايل اورود
شو چفك علي وجه سلاحك
ما اعتب عليك اعتب عل اضنون
الگلبتلي تزقزق كل نباحك