عتب للكًلب
جم دوب ياكلبي تظل مهموم ودور ولف
خلصن اسنينك وكبرت خسران حبك اعترف
من حبك انت اشحصلت اكعد بعد بسك دعف
ياهو التمد ايدك اله حيال يطلع محترف
=====================
حيال والحب مصلحه حيال ويدور غلب
يضحك بوجهك من تجي وبظهرك اسهامه تطب
هم تعتقد تلكه الوفه بهذا الزمن ماظل محب
صادك يحبك من صدك يضحكلك ولكن جذب
======================
يجذب وحك رب الفلك يبتسم بس مو من صدك
البسمه بس بشفايفه وميهمه بيك اشكد تدك
بسك يكلبي اهجع ولك خايف بنارك تحترك
بس ياكلب بطل تحب شنهو الجنيته من العشك
اخوكم
صالح قاسم
العراق/بغداد
رد مع اقتباس
مشاركة: عتب للكًلب
