+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 8 من 12

الموضوع: زهيري للمحافظات العراقية

  1. #1
    فراتي مهم جدا عراقي هواي وميزة فينا الهوى is on a distinguished road الصورة الرمزية عراقي هواي وميزة فينا الهوى
    تاريخ التسجيل
    Jun 2006
    الدولة
    ارض الله الواسعه
    المشاركات
    5,119

    افتراضي زهيري للمحافظات العراقية

    زهيري يظم 15 محافظه عراقيه

    الف وســـــــــــــــــفة الانيقة تنظلم ......... بغداد
    سلام الله على باب الحوائج اســــد ........ بغداد
    بالارض جنة وروعة سمــــــــــــــــــا ......... بغداد
    الشر غير لونهه من بيضة الرمادي
    نار الغــــــــــــــــــدر تطفى وتصبح ........... رمادي
    خلي منطقك ابيض دوم وتحاشـــة ........ الرمادي
    حي الله اهل الكرم والــــــجود اهل ........ الرمادي
    بالغيرة جبل عالي وضميرهم مايوم جف
    وحگ الواســـــــــــــــــــع بسمعه و ........ بصره
    وعدوي لو نظرني بشــر ماخوفني .......... بصرة
    بصري انه ولحد المــــوت اعشگ .......... البصرة
    تواصلني بأصالتهه وبهواها موصل
    سليكون بهواكم لاني عــازل لاني ......... موصل
    رحمة الله عالما گطع رحـمه ودوم ......... موصل
    هايم بأرض نبي الله يونس الشگرة ........ موصل
    لو ما هي ما حلت بعيوني بغداد
    نشف ريجي وشما ارتوي رد انوب ............. وجف

    مااشبع من زيارة علي وحب اهل .......ـ.... النجف
    گلبي سمچة وتايهه ابـــــــــــــــحر .......... النجف
    يأرض المذهب الشيعي ومنبع الدين
    شما توفي تضــــل مطــلوب للجبار ............. دين
    اليواسيك بدمعته ترى حـتى الدمعة ........... ديـن
    اخذ عروبة وحـــــــــــلم من صلاح ............. الدين
    اهل چلمة وبيـــــــــــــــــهم الوفى حله
    حبيبي مرافگ الزغـــــــــران وترك .............. حله
    بالك تحرم شــــي الله بجلاله امر .............. حله
    يالتسئل عالـــــــــحلو ترى الحلو ............... الحلة
    شافت ضيم وقهر وفوگ القهر بله
    گلبك لا يجــــــــــــــف وبرقتك دوم .............. بله
    وهل دمعة عالـــــــــــــــجره برض ............ كربله
    اسودت بوجه الحسين ونجمعت كرب.......... وبله
    لامامي مابطل زيارته ومد ايدي اله
    المدي ايده ما ستنكف من مد ............ ايدي اله
    ونطي وجه ريان مثل برتقال ............. ديـــــــالى
    ثلث الطگ للـــــوطن وثلثين ............ لديالــــــــى
    صرح هي بداخلي ومبنية عمارة
    قيمة البشر مو فلوس وسـيارة ............ وعمارة
    البشر للموت يمشي شما طالت .......... عمارة
    مدرسة غيرة وزلــــــــــــــم ارض .......... العمارة
    للحگ فزعو فرد فزعة وكلهم ناصرينة
    ثلة ارجــــــــــال سبعين لحسين ......... ناصرينه
    اما من نـــــــــــــــــــــــاصر وقلة .......... ناصرينه
    بالرجال مجربة كـــــــــــــــــدهه ......... الناصرية
    اخلاقها بالعرف مضيف وديوانية
    ضيفي اله عيــــــــــوني وصدري .......... ديوانية
    بالشعر اسولفله شـــــعر ونظلمه .......... ديوان
    يالگاصد ارض الــــــــــــعاصمة مر........ بالديوانية
    تلگاها ابية نفس هي مثل كركوك
    جميلة مكـــــــــــــــــــحلة بالنفط ........... كركوك
    وعيون الطــــــــــمع كلهه على ............ كركوك
    العرب گالت الي والكرد تتمــنى ............. كركوك
    تندرج لقليمهم وتصبح مثل اربيل
    حر البصــــــــــــرة ما ينحمل ومعتدلة.......... اربيل
    طبيعة وبالشـــــــــــــــــــــــــكل اوربا ......... اربيل
    اريد انشدكم ياعرب هم عدكم نفس ......... اربيل
    عروس الوطن ومكمل حسنهه السليمانية
    مغرورة بحلاوتهه حگـــــــــــــــــــــها ...... السليمانية
    اتفك الصدربسحرها وجبلــــــــــــــهه ..... السليمانية
    جمال وحسن منــــــــــــــــــظر اهل ...... السليمانية
    بس لو تصعد للثريا ما تلحگ البصرة
    وللمحافطات الباقي بقية كبرى في وقت لاحق

  2. #2
    عضو مشارك Alghareeb is on a distinguished road الصورة الرمزية Alghareeb
    تاريخ التسجيل
    Jan 2007
    المشاركات
    95

    Iraq مشاركة: زهيري للمحافظات العراقية

    عاشت ايدك يا وردة على هاي الابيات الجميلة ودمتم للابداع

  3. #3
    عضو مشارك مفاركَه احبابي is on a distinguished road
    تاريخ التسجيل
    Jan 2007
    الدولة
    baghadad
    المشاركات
    55

    افتراضي مشاركة: زهيري للمحافظات العراقية

    اخويه ماجد
    زهيري غايه في الروعه
    حياك الله يامبدع
    تقبل مروري

  4. #4
    فراتي جديد غريب عن وطني الجريح is on a distinguished road
    تاريخ التسجيل
    Feb 2007
    الدولة
    كندا كالكري اللبرتا
    المشاركات
    5

    افتراضي مشاركة: زهيري للمحافظات العراقية

    سلمت يداك يا وطني تسلم عزيزي على هاي الابيات الجميلة

    اخوك غريب عن وطني الجريح
    رفيع التهذيب سابقا

  5. #5
    فراتي مهم جدا عراقي هواي وميزة فينا الهوى is on a distinguished road الصورة الرمزية عراقي هواي وميزة فينا الهوى
    تاريخ التسجيل
    Jun 2006
    الدولة
    ارض الله الواسعه
    المشاركات
    5,119

    افتراضي مشاركة: زهيري للمحافظات العراقية

    شكرا لمروركم الكريمو

  6. #6
    عضو مشارك ابويوسف الجوعاني is on a distinguished road الصورة الرمزية ابويوسف الجوعاني
    تاريخ التسجيل
    Apr 2007
    الدولة
    العراق-الانبار
    المشاركات
    143

    افتراضي مشاركة: زهيري للمحافظات العراقية

    بارك الله فيك على هذى البيات الجميلةوندعي من الله ان يجمعنا في هذا البلد سنه وشيعه وانشاء الله كلنا عراقين

  7. #7
    فراتي ذهبي محمود شاكر الهلالي is on a distinguished road
    تاريخ التسجيل
    Oct 2009
    المشاركات
    1,509

    افتراضي رد: زهيري للمحافظات العراقية

    احسنت استاذنه العزيز ويسلم اختيارك

  8. #8
    فراتي ذهبي عمار الغزي is on a distinguished road الصورة الرمزية عمار الغزي
    تاريخ التسجيل
    May 2009
    الدولة
    ذي قار
    المشاركات
    2,037

    افتراضي رد: زهيري للمحافظات العراقية

    سلمت يمينك اختي الغاليه

+ الرد على الموضوع
صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك