صفنـــــــــــــــــــــــــــــــــــــــــات..ال شيخ ابوحيدر

[الشيخ ابوحيدر]

ﮔـمت بس اصفن وتخنـﮕـني عبــرت موت

ويجني مكدرات البين خلـﮕـهن يمـي يفضنه

ويدﮔـــن ثايـــــــــــه يمي تـﮕـول مـوزوزات

وكابر بيــــه مابيه ودموعي الحجـر زرفنه

ويمشي ﮔـليبي رايـح للنوايب معتني خطـار

ويطـب ماين عليهن عــــرف يـــــــــــدرنه

يتلـﮕـنـــــــــــــه بهلاهــل ياهلـــه بهـل ظيف

بهـله وميــــت هلــــــــــــه ومرحبــه تلـﮕـنه

عـــــــرف ماكل وشارب زادهــــــن شبعان

ولايــــــــــوم السلاهـــــــن حتـــــى يسلنـه

هو تعــــاهد وياهـن بعهــــــــــــــد الموت

كلما بــــــــرد ﮔـلبــــي بنـــــــار يـﭽـونـــــــه

ملتزمــــات هنـــــــه عــــــــلَ العهـــد وياه

على وســـــاده ينامــــــن ســـــــوه يريدنه

ضحك فــــــــــــــد يوم سني وأجن زعلانات

أقـدم دمــــــع عينــــي وهـــــــــــــن رفضنه

ﮔـلت انه شعجــب هل يـــــــــــوم مغتاضات

ﮔـالـن لـــــي الوفـــي مايبتســــــــــــــم سنه

ومـــن ذيـــــﭻ الدقيقــــه وماكو راحت بال

شـــرطن وي ظحــــــكتي الدمـــــــع يردنه

بقلم الشيخ ابوحيدر الشويلي

[كبريــاء رجـل]

اااااااالله ااااااالله على شاعرنا العزيز الشيخ ابو حيدر عاشت ايدك ياغالي قصيدة روووعه تحياتي الكـ

مبدع اخي ابو حيدر عاشت الايادي
قصيدة قمة في الروعه
ننتظر المزيد من عطاءك الجميل
تقبل تحياتي

[سجاد الرحال]

الشيخ ابوحيدر قصيده رائعه حقاً انت مدرسه ننتضرجديدك القادم تقبل مروري

[الشاعر يوسف الذهاب]

ابو حيدر الغالي هكذا تتحدث القمم
ابدعت ابدعت عزيزي

[ابو ابراهيم الخزرجي]

ومـــن ذيـــــﭻ الدقيقــــه وماكو راحت بال

شـــرطن وي ظحــــــكتي الدمـــــــع يردنه
عاشت ايدك ابو حيدر لقد ابدعت وزدت الابداع تحياتي وتقديري وخالص الود ننتظر جديدك

[عقيل كريم الشويلي]

ابن العم الغالي
ابو حيدر الشويلي
أنا أترقب جديدك وبشوق
قرأت كلماتك مراتٌ عديدة
الصراحة أرتويت
لكن اعطش كثراً لجديدك
فلا تحرمنا من روائعك
دمت بكل ود وخير
تقبل مروري وخالص تحياتي

حياك ياابو حيدر ياشاعر الكلمة الاصيله تحياتي ياشيخ الشيوخ مع كل الود