ابوذيات حلوة هدية لاغلى الحبايب

كلبي انت ملكته وانت حر بي
عليل وطبي عندك وانت حر بي
يا كاس الاشربه وانتحر بي
شربت حبك هو العم عليه



من عبيدك.....
تكلم وكول من عبيدك
وهذا الهوى اليسري منعه بيدك
اغاتك واريد اصير من عبيدك
ولو ذله على ابن العراقيه


بعداك.....
حبيبي ما تحب النفس بعداك
عديت شحصلت يا ترف بعداك
نخيت الصبر ويه الجان بعداك
وهسه انت الي تخون بيه



ولا ساف.....
الندم ما ينفع بزعلك ولا ساف
ولساني ما غلط مثلك ولا ساف
جنت عالي واشوفك ولا ساف
جبل لو تصير ما تعله عليه



وصله.....
يا صاحب هاك اخذ مكتوب وصله
واريد اعرف عمامه منين و اصله
كلبي عليك صار 12 وصله
كل وصله تصيح جيبو اليه



ملكاك.....
ترف لشوكت ادور عليك ملكاك
عزيز وعبد لليهواك ملكاك
تكول اهواك وانته انكرت ملكاك
ولا فد يوم قط حسيت بيه



وذاني......
حجي العذال عذبني وذاني
وباب الكلب سديته وذاني
احبك يا بعد روحي واذا اني
هجرتك كول بالحب مو وفيه



بسمار......
ترف ردناك لينه تمر بسمار
جفيت وصرت اعيش اهواك بسمار
بكلبي اندك غرامك مثل بسمار
وتعبني وبسمر عيوني عليه




ونهار.......
ذجرك ما نسيته بليل ونهار
وتجري دموعي بحور ونهار
ابكثر نوحي دليلي انعاب ولنهار
وعلى افراكك تروح الروح ليه

[شاطئ السلام]

منقول رائع
عاشت الايادي

[ابو فاطم]

احلى ابوذيات
شكرا اخي انور
شكرا لك يا غالي

شكرا يا انور على الابوذيات الحلوه

تحياتي وخالص تقديري

اختيار موفق تحياتي لك يرجى كتابة كلمة منقول منعا للحذف شكرا لك ننتظر جديدك

[خليل الشرابي]

الله حيك اخي انور أبيات ابوذية جميلة و الأول انتحاري فعلا

تمنياتي لك بالتوفيق و التألق الدائم في ربع الفرات الحبيب

و أرحب بك أجمل الترحيب في هذا البيت الدافئ بمحبة من فيه

على درب اليمرون
الشرابي