رسايل خطت بدمعاتي وين صرتي

[ابو ابراهيم الخزرجي]

(رسايل خطت بدمعاتي وين صرتي )

( بقلمي )

انتظرتج

وين جنتي

كضت سنين العمر وايامه

وما اجيتي

قطار الزمن وكف بمحطتكم

وانت ما صعدتي

واين جنتي

صرخ صرخه وطلع

وانتفض كلبي وياه

وكربت آنه

ساعاتي

صوت دكات السسجج

روحي اتذوب

وياه بحسراتي

وين صرتي

سافربليل الهوى

وغابت انجوم السمه

وانت ما صحيتي

وين نمتي

لا غيمه وتجي خطار

تمطر محبه وشوك

وتسكي زرعاتي

سنين ذبلت بلا ماي

ورداتي

وين غبتي

شمس واتأخرت بجيته

ضباب وعواصف

وتراب ساحاتي

وين رحتي

تخنكني العبرات من اذكر

وياج سهرتي

اشوف غيري بالعشك متهني

وتنزل دمعاتي

وانت ما دريتي

وين صرتي

بهجرج ويا مكثرجروحي

هاي من الله

قسمتي

مراسيل الطيور اتكسرت جنحانهه

ضل بس الغراب

معلك بشجراتي

وين صرتي

ضل قطار الشوك يصرخ

وما هودر

بمحطاتي

حقايب سفر محمله

بهجران والم وجروح

ورسايل

خطت بدمعاتي

وين رحـــــــــــــــــــــــــــتي

وين صــــــــــــرتـــــــــــــــي

وما اجيتي

( ابو ابراهيم )

( الخـــــــزرجــــــي )

3/8/2011

[كبريــاء رجـل]

ابو ابراهيم المتألق عاشت ايدك ياغالي قصيدة روووعه صح لسانك ياغالي

[الشاعر محمد الحميداوي]

اذا كان للابداع قرين فهو انت اقف امام كلماتك اجلالا وتعظيما تقبل مروري

[ابو ابراهيم الخزرجي]

انت الرائع اخي كبرياء رجل شكرا لمرورك الطيب على صفحاتي ودمت لنا اخا عزيزا ومتصفحا دائما تحياتي وتقديري لك كل الود والمحبه..

[ابو ابراهيم الخزرجي]

شكرا لك ولكلماتك الجميله ولردودك المتألقه اسعدنا مرورك الطيب اخي محمد الحميداوي لك مني خالص تحياتي وتقديري ودمت لنا اخا كريم دائم الزياره..