اهلا بكم في المحاوره الشعريه بالابوذيات

[امير الربيعي]

روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

[عادل المنصوري]

يكت دمعي عليكم ما بطلته
وادكَـ اباب كَلبك ما بطلته
بطلته ما كرمني مو بطلته
بطيفه وهم بخل جيته عليه

[هدار سامي شياع المنصوري]

قال راهب المنصوري
جوت جفي دمعتي منلمسنها
عليهم بدت روحي منلمسنها(من المساء انينها)
تتوجع الناس منلمسنها (من الم سنها)
وآنه ابكل كتر آلأم بيه

[asir]

اولا سلامي لک و للاخ الشاعر راهب

یدهري اشگد علی الطیب بلا لام
من زغره ویضل عایش بلا لام
احگره الوکت لا تعتب بلا لوم
اشفید الوم لفعال الدنیه

[عادل المنصوري]

الحزن بالروح يا صاحب تربع

شراني برخص وبارخص تربع

موش اجديد المهادد ترى باع

الي وياه ايكر والفر عليه

[asir]

چرخ الدهر دوخني من الفار
وحمس گلبي ابجدر مغلگ من الفار
العتوي یطلب المهله من الفار
الکره اعلی الذیابه اترید حیه

البیت منقول لشعرائنا فی الاهواز وشکرا

[عادل المنصوري]

انه الذيب الصفيت بغير كَطعان

بشراها نياب اخوتي حشاي كَطعان

ما لحكَـ اولم السرج كَطعان

خيل الصبر عني ورمح فيه (ركض مسرعاً مسافه : فجه)

منو النكر عهده من عهد من
انهدم كلبك وكلبي من عهد من
عشكنا تعرف شوكت ومن عهد من
قبل الاسلام هسه تخون بيــــــه