في اي بــلــد أنتم مـــغتــــربيـــن

[مواليه]

بصراحه تقطع قلبي عليكم يااخواني واخواتي

والله اني ابشي بشي على خوالي وخالتي واهل امي

احنا عشنا بالعراق واني انولدت بكربلاء في باب الطاق بيت جدي

واعتبر نفسي عراقيه مثلكم بس ابويا سعودي يعني امي متغربه عن اهلها سنوات بس تشوفهم بسوريا

وخالتي متغربه بهولندا مع زوجها واولادها الثلاثه لؤي علاوي وعدي

ها علاوي تزوج بنت خاله زهراء وهما متغربين صار الهم يمكن 20 سنه لو اكثر

الله يردهم للعراق ويجمعنا بيكم عند مرقد اباعبد الله الحسين سلام الله عليه

وتردون فرحين مجبورين الخاطر هاي فرحه شبيره العوده للوطن ترى الوطن غااااااااااااااااااااااااالي

والله ذا اشم ريحة الضريح والسباش اااااااااااااااااه روحي لك الفداء ابا عبدالله
اسفه طولت عليكم

[الحالمه]

مية هلا بيج عزيزتي ام ملاك ( ريم الحافظ )
نورتي بالغالية بمرورك , ياربي العراقيين كلهم تغربوا , حسبي الله على من كان السبب


[QUOTE] صار الي 6 سنين والطامة الكبرى
انه العراق مدايتحسن وضعه واخاف الياس يدخل لقلبي الا من الياس من رحمة الله[/QUOTE]

هي المشكلة سنة تجُر سنة وكلها من عمرنا
حبيبتي مشكلتج مثل مشكلتي العراق مدايتحسن وضعه وكل سنة اكول يمكن هذه احسن ونفس الشي من سيئ الى اسؤء للاسف
والقلب خلصان .


ان شاء الله يارب يجي يوم ويتحسن الوضع وتروحين تشوفين اهلج واخوانج الي ما شفتيهم وتقر عينج بشوفتهم ,

بس لو شتصير كندا يبقى مردودنه للعراق والعراق ترى ماينترك لوما اللي صار بينه واللي دايصير

اي والله يا اختي ام ملاك لا عاب حلكج , مردودنا للعراق ولاصلنا مالنا غنى عنه .
لابد يجي يوم زين وتتحسن اوضاع العراق .

والله اتمنى ستكان الجاي من بعد لفت كباب ابو علي بالحريه لو اطكلي فد بطل ببسي خالي
فله

هههههه والله ضحكتيني اختي , شوفي احنا ابسط الامور تضل مخزونة بعقلنا والها ذكرى مميزة
وطعم نتمى نرجع نتذوقه , الله كريم عزيزتي الله ارحم الراحمين .

وبعونه تعالى نرجع نرجع نرجع

آآآمين آآآآمين آآآآمين

والله احس نفسي ارتاحيت من فضفضت شويه لان زوجي دائما بالشغل ليل مع نهار سلامي للجميع ام ملاك

ان شاء الله دوم الراحة والطمأنينة , ومشكورة عزيزتي لمشاركتك الحلوة
قبلاتنا لملاك وتحياتي الج

السلام عليكم
انا طبيب اسنان,تركت العلااق ام 1996 وذهبت الى اليمن وبقت هناك سنه واحده لاذهب بعدها الى بريانيا حيث اعمل واعيش,الغربه ليست شديده الصعوبه ربما لانني مشغول بعملي طول الوقت

[ارشيف الفرات]

الله ينطينه وينطيكم الصبر

[الحالمه]

عاشت الايادي على هذا الموضوع الحلو كلش والله ان شاء الله

تتمكنون على انزاج اكثر من هذا ايحيل الله اخوكم محمد الخفاجي صار صار سنتين عايش في مصر بس لو اطير الى سابع سمة ما الكي احلى من العراق العضيم بس انا لل الله وانا اليه يراجعون مع تحيااااااااااااااتي لكم جميعا والى المشرف العام لهذا المنتدى

حياك الله اخوي محمد الخفاجي , والله يعينك انت جديد عالغربة ماصارلك هواية
بس يمكن هي اصعب مرحلة هي هذه البداية تكون صعبة على الواحد يتأقلم وي المجتمع الجديد
الله يصبرك ويعينك .
اشكرك على مشاركتك ويانه بالموضوع

[الحالمه]

اهلا وسهلا بيج اختي موالية , منورة الموضوع عزيزتي وشاكرة لكِ مساهمتك
في هذا الموضوع ومشاركة اخوانك واخواتك هذه اللحظات المريرة الا وهي لحظات الغربة
وسنينها المرة ,
والله يتقبل منج هالدعوة النابعة من قلب طيب , بارك الله بيج اختي
والله يرجع كل غريب الى بلده .

لا تحرمينا من تواصلك عزيزتي .

تقبلي تحياتي

[الحالمه]

السلام عليكم
انا طبيب اسنان,تركت العلااق ام 1996 وذهبت الى اليمن وبقت هناك سنه واحده لاذهب بعدها الى بريانيا حيث اعمل واعيش,الغربه ليست شديده الصعوبه ربما لانني مشغول بعملي طول الوقت

اهلا بيك اخي الكريم , ويسعدني مشاركتك معنا في هذا الموضوع
اشكرك جزيل الشكر واتمنالك التوفيق في حياتك

[الحالمه]

الله ينطينه وينطيكم الصبر

اللهم آآآمين