بعد مااريدهم عني يسالوووووون..

[الحلم الوردي84]

بعد ما اريدهم عني يسألون
شده واطلعت منها سلامات
نادم عالسهر ودموع العيون
عليهم من صدك صبن حرامات
عود او من صدك, هم عندي خوان
تشاركني التعب وتشيل همي
إبفضلهم ما ابات جوعان
ولا يوم النذل تتعنه جدمي
اثاريني ابحسبتي هواي غلطان
إطلعت منهم ابطرك هدمي
منك يا زمان هواي ممنون
إلك ما تنمحي وياي وكفات
كشفت الجانو ابحبهم يمثلون
او منو الحبه حقيقي او طيب الذات
الخوه بالزمن شلون تنقاس
يا ميزان ترهم وي وكتنه
قبل جان الاخو على الايد ينباس
خوة هسه مدري منين اجتنه
الخوه المن صدك, خوة العباس
المصالح هسه عن الاخ عمتنه
ردت وياي لو مره ينصحون
واكول اخواني واعذرهم على الفات
ورد اعثر, واصيح, وما يسمعون
او لو ميت سمع بس همه هيهات
حزن شايل أكيد وحيل زعلان
لجن دمعي عزيز وما اهده
ومثل شجره ولاني العطش, ذبلان
واذا بير ابمذله ابجفي اسده
ما يحتاج للطيبين برهان
تفرزها البشر من تمر شده
انا اخواني اجو حال اليواسون
شربو كهوتي وكالو سلامات
ومن كالو اشحالي, او لوني يالون
او يقينا, مو دمع, صبيت جمرات
غير اتصير عبره الكلبي ويتوب
وبعد ما يرجه كل خير امن ايديهم
وبعد ثكل الوجوه, او سدة البوب
بعد ميكول اخوتي او يعتنيهم
يعاندني او يكلي أنجرب انوب
واذا باعونه نرجع نشتريهم
واسامح, وانسه غيضي, او ما يسألون
او يكلي الكلب زلة.. اتصير مرات
يكلبي.. لو تلوحك مره السنون
اخلي ابكل كتر منك علامات

منقول ولكنه اعجبني جدا اريد ردودكم

[امير الاحزان:]

تعال الحك عليه وشوف جسمي اشبيه
بلكن تنهي علته وتكدر اتحثه
شي كلش صعب كلبك اذا ينساك
والراس ويه كلبك ينكطع بثه
**************
حياك الله وبياك اختي الغالية
في منتدياتنا الادبية لنتدى الفرات الغالي
نتمنى لك دوم التواصل..ورفدنا بجديدك
انا هنا بانتظار ما ستتحفينا به
دمت بحفظ الرحمن.
اخوك الامير

[الحلم الوردي84]

شكرا لمرورك الكريم ومتابعتك لمشاركاتي

[*كريم الزبيدي*]

بعد ما اريدهم عني يسألون
شده واطلعت منها سلامات
نادم عالسهر ودموع العيون
عليهم من صدك صبن حرامات
عود او من صدك, هم عندي خوان
تشاركني التعب وتشيل همي
إبفضلهم ما ابات جوعان
ولا يوم النذل تتعنه جدمي
اثاريني ابحسبتي هواي غلطان
إطلعت منهم ابطرك هدمي
منك يا زمان هواي ممنون


تسلمين ياغالية انتي على اختيارك الموضوع بشكل رائع وتقبلي مني كل الحب وتمنياتي لك النجاح والموفقية

[ام فيصل]

كلمات جميلة
والأجمل منها المعاني التي ضمتها
شكرا لك ولجميل اختيارك
ودام لنا هذا التميز بالإنتقاء

ننتظر جديدك القادم
مع خالص مودتي للحلم الوردي

[الحلم الوردي84]

شكرا جزيلا لمروركم الكريم وتشجيعكم المتواصل لكم مني كل الحب والاحترام