ابوذيات ودارميات اقرا وشوف
بحسابي انت احلى ربعك - من احسبك
و صدكـَ حيل اعـزّك -- من احاسبك
أريدك دوم صاحب تظل ليه
***************
لا تـعـز يـالمحـبـوب خـدّ ك عـلـيه
بوسه وتخلي الروح خضره وطريه
*******************
هـم انت من تشتـا كـَ اطـلب والــبـّي
شنهو التريده يصير عيني ويه كـَلبي
*****************
دليلي عليك من الشوكـَ -- وج راح
احس الظلع بيه طعنات -- وجراح
تدري اخوان عندي اثنين -- واجراح
سلاحي وللكلافه عون اليه
هذا البيت اهديته لشخصيه بإسم جراح العراق 0
*****************
الما تسنده اخوان كل حقه ضايع
للكلفه تكـَضي العوز بالحكـَ تدافع
******************
اگـلك قبل كلشي -- والبدايه
الك انطي الحرزته -- والبديه
ولاتبدي بجــحـودي -- والبدا يا ! !
ظالم من جحد وانكر خويه
*************
تحايا وطيب ارسل لك -- واهدلك
أفلش سدود البدربك -- واهـد ّلك
انخاني أفزع لك بسرعه -- واهدلك
أخوك انه جسر واعبر عليه
**************
تحياتي للجميع 0
رد مع اقتباس
رد: ابوذيات ودارميات اقرا وشوف
رد: ابوذيات ودارميات اقرا وشوف
المشاركة الأصلية كتبت بواسطة عباس الفرطوسي
رد: ابوذيات ودارميات اقرا وشوف
